Johano el Matha
Johano el Matha, aŭ Sankta Johano el Matha, en la katolika eklezio kaj en la okcidenta historio famas pro sia iniciato, poste daŭrigita de liaj sekvantoj, por la liberigo de la kristanoj sklavigitaj de islamanoj de Nordafriko, kutime enprizonigitaj surmare kaj en eŭropaj teritorioj raziitaj. Lia karismo sukcesis rikolti monon elspezeblan por elaĉeti, en Nordafriko, kristanajn homojn kaj ilin revenigi al siaj landoj kaj familioj.
| Sankta | ||
| Johano el Matha | ||
|---|---|---|
| ||
| Persona informo | ||
| Jean de Matha | ||
| Naskiĝo | 23-an de junio 1160 en Faucon-de-Barcelonnette | |
| Morto | 17-an de decembro 1213 (53-jaraĝa) en Romo | |
| Religio | katolika eklezio vd | |
| Lingvoj | franca vd | |
| Ŝtataneco | Francio vd | |
| Profesio | ||
| Okupo | katolika sacerdoto vd | |
| Sanktulo | ||
| vd | Fonto: Vikidatumoj | |
Biografio redakti
Johano de Matha naskiĝis en Faucon-de-Barcelonnette (Francio) en 1150 kaj elvivis en Romo en 1213. Familie nobela, li studis teologion en Parizo kaj en 1192 estis levita al la ordinoj kiel sacerdoto. Kiam lia iniciato manifestiĝis originala kaj grande karitata, eksvarmis hagiografaĵo laŭ kiu anĝelo, al li aperinta dum la celebrado de la unua meso, inspiris la instituigon de religia ordeno kun aparta kristana celo: la elaĉeto de kristanoj el la mano de «maŭroj».
Atinginte la permeson de la papo Inocento la 3-a, li unuiĝis al la ermito Feliĉo el Valezio kaj iniciatis komunumon en zono de Francilio, konsekritan al la Triunuo kaj sub la protekto de la Virgulino de la Rimedo, kies Johano estis elektita gvidanto: la nova ordeno estis aprobita de la papo en 1198. La Ordeno de la Sanktega Triunuo originis la popolan nomigon «Triunuanoj».
Li vizitis ankaŭ Romon, kie fondis konventon kaj hospitalon por la pilgrimuloj ĉe la preĝejo de Sankta Tomaso in Formis, sur la monteto Kaelio, al li koncedita de la papo. Ĉi tie, en 1209, lin vizitis Sankta Francisko el Asizo kiun li gastigis fariĝante lia amiko.
Lia liturgia memoro estas ĉiujare celebrita la 17an de decembro.
La nuna aktivado de la sekvantoj de Johano el Matha redakti
Hodiaŭ la Triunuanoj aktivas, ĉiam laŭ la karismo de la fondinto, en aliaj sociaj sektoroj: aktualigante liberigon kaj servon al la novaj formoj de sklaveco: (prostituo, alkoholismo, drogodependenco ktp.); asistante kristanajn dubemulojn; plenumante la taskon de la evangelizado; partoprenante en la liberigo de bezonuloj el la sklaveco de la malriĉeco.