Kenrika sturno

La Kenrika sturno (Poeoptera kenricki) estas specio de sturno de la familio de Sturnedoj kaj malgranda genro Poeoptera kiu enhavas afrikajn speciojn. Tiu ĉi loĝas en malgranda montara teritorio de centra Kenjo kaj nordorienta kaj orienta Tanzanio.

Kiel legi la taksonomion Kenrika sturno
Kenrika sturno
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Sturnedoj Sturnidae Genro: Poeoptera Specio: 'P. kenricki'
Dunomo
Poeoptera kenricki (Shelley, 1894)
Konserva statuso
Konserva statuso: Malplej zorgiga
Aliaj Vikimediaj projektoj

Tiu birdo estas sufiĉe nigreca iom pli hela kape kaj malhela ĉe flugiloj (kun iomete da malhelbruna nuanco) kaj vosto. La irisoj estas rimarkinde flavaj. Ankaŭ beko kaj kruroj estas nigrecaj.

Tiu afrotropisa specio povus formi superspecion kun la Stulmana sturno, P. stuhlmanni, kaj ili estis konsiderataj eĉ samspecifiaj. La birdoj el Kenjo estis priskribitaj kiel raso bensoni, supozeble pli grandaj ol tiuj de Tanzanio; koincidas en mezuroj kaj la agnosko de geografiaj rasoj estas konsiderata sengarantia. Ĝi estas pro tio konsiderata kiel monotipa.

Referencoj

• BirdLife International 2004. Poeoptera kenricki. 2006 IUCN Ruĝa Listo de Minacataj Specioj. Konsultita la 24an de julio 2007.

Vidu ankaŭ

• Orientafrikaj montarbaroj

Eksteraj ligiloj

• Bilco ĉe ADW Arkivigite je 2008-12-02 per la retarkivo Wayback Machine