Kombinaĵo de 5 okedroj

En geometrio, kombinaĵo de kvin okedroj estas uniforma pluredra kombinaĵo, simetria ordigo de 5 okedroj en dudekedra simetrio I_h. Ĝi estas ankaŭ steligo de la regula dudekedro.

Kombinaĵo de kvin okedroj
Pliaj nomoj	UC17 W23
Speco	Regula pluredra kombinaĵo
Verticoj	30
Lateroj	60
Edroj	40 trianguloj
Komponantoj	5 okedroj
Kerno	Dudekedro
Konveksa koverto	Dudek-dekduedro
Geometria simetria grupo	Dudekedra Ih
Geometria simetria grupo de komponanto	Piritopluredra Th
Duala	Kombinaĵo de 5 kuboj

Ĝi estas unu el kvin regulaj kombinaĵoj kiuj povas esti konstruitaj el identaj platonaj solidoj.

Ĝi havas la saman situon de verticoj kiel la dudek-dekduedro.

Ĝi komunigas siajn laterojn kaj duonon de triangulaj edroj kun la kombinaĵo de 5 kvar-duon-sesedroj.

Ĝi povas esti konstruita kiel romba tridekedro kun rombo-bazitaj piramidoj adiciitaj al ĉiuj edroj.

Ĉi tiu kombinaĵo estis unue priskribita de Edmund Hess en 1876.

Kiel steligo

Ĝi povas esti ricevita ankaŭ kiel la dua steligo de dudekedro, kaj estas tiel pluredro de Wenninger W23.

La steligaj facetoj por konstruado estas:

Vidu ankaŭ

• Kombinaĵo de 4 okedroj kun turna libereco
• Kombinaĵo de 8 okedroj kun turna libereco
• Kombinaĵo de 4 okedroj
• Kombinaĵo de 20 okedroj kun turna libereco
• Kombinaĵo de 20 okedroj
• Kombinaĵo de 10 okedroj

Referencoj

• Wenninger, Magnus. (1974) Polyhedron Models - Pluredraj modeloj. Cambridge University Press. ISBN 0-521-09859-9.

Eksteraj ligiloj

• Kombinaĵo de kvin okedroj je MathWorld
• Papera modelo de kombinaĵo de kvin okedroj Arkivigite je 2008-04-16 per la retarkivo Wayback Machine
• [1] VRML modelo