Kosmopolita distribuo (biologio)
(Alidirektita el Kosmopolito)
En la biogeografio, kosmopolita distribuo aŭ tutmonda distribuo estas stato esti trovata preskaŭ ĉie ajn tra la mondo. Tia taksono, ekzemple genro, oni povas signi kiel kosmopolita. La termino ankaŭ aplikiĝas al certaj malsanoj. Kutime, la nocio havas mallarĝan signifon : kosmopolita specio troveblas en tuta la planedo, sed nur tie kie la vivocirkonstancoj konvenas al siaj bezonoj. Ekzemple, la palearktisa ordinara senecio kiu perhome disvastiĝis tra la mondo, ne estas trovebla en la tropikaj arbaroj. Tiel oni povas nuanci la nocion, kaj ekzemple paroli pri "kosmopolite tropika", kiu signifas ke specio estas trovebla en ĉiuj tropikaj regionoj de la tero.
Ekzemploj de kosmopolitaj specioj kaj taksonoj :
- Homo
- Lepismo
- Multaj cetacaj specioj, inkluzive de la granda orcino
- Bruna rato ( Rattus norvegicus )
- Migra falko
- Diversaj specioj de la blatoj
- Familio de la hirundedoj
- Familio de la strigedoj
- Familio de la korvedoj
