Krhov (Bojkovice)

Por aliaj signifoj, bv. rigardi la apartigilan paĝon: Krhov

Krhov estas ekde la jaro 1980 unu el partoj de urbo Bojkovice en Ĉeĥio. Vivas ĉi tie 223 loĝantoj (2021).

Krhov
vilaĝo
Vilaĝplaco kun kruco el la jaro 1903 kaj restoracio
Oficiala nomo: Krhov
Ŝtato	Ĉeĥio
Regiono	Regiono Zlín
Distrikto	Distrikto Uherské Hradiště
Administra municipo	Bojkovice
Historia regiono	Moravio
Montaro	Vizovica montetaro
Domoj	130
Rojoj	Bzovský potok, Valovský potok
Situo	Krhov
- alteco	348 m s. m.
- koordinatoj	49° 01′ 11″ N 17° 49′ 56″ O (mapo)
Katastro	7,21 km² (721 ha) Krhov u Bojkovic
Unua skribmencio	1409
Horzono	MET (UTC+1)
- somera tempo	MET (UTC+2)
Poŝtkodo	687 71
Situo enkadre de Ĉeĥio Situo enkadre de Ĉeĥio
Vikimedia Komunejo: Krhov (Bojkovice)
Portalo pri Ĉeĥio

Historio

Krhov estas unue menciata en la jaro 1409 kaj en la jaro 1412 ĝi apartenis al sinjorujo de Nový Světlov (vidu Bojkovice). La historio de Krhov do kongruas kun la historio de Nový Světlov.

Krhov tenis karakteron de paŝtista vilaĝo kun kampa montara mastrumado.

Post la jaro 1945

Ekde januaro de 1945 konstruis faŝistoj stangajn obstaklojn sur ŝoseo - unu el ili estis konstruita senpere malantaŭ landvoja ponto. Sed ĉirkaŭ la 20-a de aprilo la faŝistoj mem forigis ilin, por ke ebligu rapidan traveturon al siaj retiriĝantaj soldataroj kaj jam ili ne havis tempon denove krei ilin. Ekde la 15-a ĝis la 27-a de aprilo estis konstruataj mitralaj nestoj proksime de katastra limo Krhov - Bojkovice.

Ekde la 11-a ĝis la 23-a de aprilo estis en la vilaĝo enkvartirigita faŝisma patrujdefendo. La 30-an de aprilo la faŝistoj estis en la vilaĝo lastfoje. Nokte estis eksplodigotaj pontoj sur ŝoseo al Bzová kaj la ŝoseo estis subminita. Matene la 1-an de majo eliris du lokaj civitanoj "por esplori". Ili sendis informon, ke liberigantaj taĉmentoj proksimiĝas kaj unu el ili alkondukis fruntajn rumanajn taĉmentojn montrinte al ili, kie la faŝistoj postlasis la minojn. Tiuj ĉi taĉmentoj enpaŝis en la katastron de la vilaĝo proksimume je la 9-a kaj tridek.

Unu el la rumanaj oficiroj eliris kun unu soldato mem antaŭen al la tri kontraŭtankaj minoj, kiuj restis sub la eksplodigita ponto kaj kiuj civitanojn markis per enpikita vergeto. La taĉmento restis stari en proksimeco eble 120 metroj. La soldato alsidiĝis al unu mino, deaktiviginte ĝin li metis ĝin sur fosaĵon. Same okazis kun la dua. Kiam li estis alkliniĝinta al la tria - aŭdiĝis eksplodo. La mino estis sendube sekurigita kontraŭ deaktivigo per plua eksplodigilo. Pro la eksplodo la soldato estis disŝirita kaj la oficiro grave vundita precipe en la vizaĝo kaj la manoj. Vunditaj estis ankaŭ du loĝantoj starantaj proksime.

La korprestaĵoj de la soldato estis forveturigitaj ĝis Bojkovice kaj transdonitaj al rumanaj organoj. Pli poste ili estis, komune kun pluaj soldatoj, mortintaj en Bojkovice, sepultitaj. La nomon de tiu ĉi soldato la civitanoj de Krhov ne sukcesis konstati. Sed tio estas tute certe unu el la nomitaj soldatoj en Bojkovice - kun la plej granda verŝajneco soldato Sebastian Boca.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	495
1880	455
1890	447
1900	492
1910	519
1921	489

Jaro	Loĝantoj
1930	535
1950	521
1961	540
1970	464
1980	372
1991	305

Jaro	Loĝantoj
2001	310
2011	269
2021	223

Memorindaĵoj

• Kapeleto de Virgulino Maria

Pluaj fotoj

• 
  Suma vido
• 
  Domoj en Krhov