La Movado

![]() |
Ne konfuzu ĉi tiun artikolon kun firmao de horloĝoj MOVADO (horloĝmarko) |
La Movado estas la komuna Japana-Esperantlingva organo de la Kansaja Ligo de Esperanto-Grupoj (KLEG), la Kjuŝua Esperanto-Ligo kaj la Esperanto-Ligo de Ĉugoku kaj Ŝikokuo (en la organo latinliterigata Tyûgoku kaj Sikoku).
La Movado | |
![]() Kovrilpaĝo de La Movado, marto 2016
| |
Speco | movada kaj eduka revuo |
---|---|
Periodeco | monata |
| |
Lando | ![]() |
Posedanto | Kansaja Ligo de Esperanto-Grupoj, Kjuŝua Esperanto-Ligo, Esperanto-Ligo de Ĉugoku kaj Ŝikokuo |
Redaktisto | Setsuko Aikawa |
Establodato | 1951 |
Lingvo | Japana, Esperanto |
Prezo | 3800 JPY jare kun sendokostoj |
ISSN | 0915-6038 |
| |
Retejo | En la retejo de KLEG |
EnhavoRedakti
Estas kutimaj rubrikoj en la gazeto:
- “Por komencantoj” (skribita japanlingve), kiu prezentas gramatikaĵojn pri Esperanto;
- “Amuza skribo-klasĉambro” (ankaŭ japanlingve), kiu per ekzemploj montras diferencoj inter vortumado de frazoj;
- “Kajero Libervola”, artikoloj skribitaj en Esperanto
- “Vortkruca enigmo” fine de la revuo, kun kvanto da legantoj kiuj sukcese trovis la ĝustan solvon
- Prezentado de varoj el la librokatalogo de KLEG.
Apud tiuj, ofte enestas la rubrikoj:
- “Rondo Hajkista” kun venontaj temoj anoncitaj en la numeroj,
- “Kunvenoj ĉe ni” (raportoj pri Esperanto-eventoj),
- “Vortaro por Lernantoj”
- “Librokulturo”.
Regule estas poemoj dulingvaj sur dukolumna paĝo (Esperante kaj Japanlingve apude). Troviĝas artikoloj ĉu en Esperanto ĉu en la Japana pri diversaj aferoj: muziko, libro-recenzoj.
Kiam okazas Esperanto-kongresoj en Japanujo aŭ Kansajo, tiam estas pliaj paĝoj fonkoloraj, kiuj detale priskribas la programojn kaj en la Japana kaj en Esperanto.