Grimisuat
Grimisuat (malnova germanlingva nomo Grimseln) estas komunumo en la distrikto Siono en Kantono Valezo, Svislando. Ĝi havis 2868 loĝantojn je la 31-a de decembro 2011.
| Grimisuat | |
|---|---|
 | |
| Blazono de Grimisuat | |
| komunumo en Svislando | |
| Kantono | Valezo |
| Distrikto | Siono |
| Koordinatoj | 46° 15′ 42″ N 7° 23′ 9″ O / 46.26167 °N, 7.38583 °O (mapo)Koordinatoj: 46° 15′ 42″ N 7° 23′ 9″ O / 46.26167 °N, 7.38583 °O (mapo) |
| Nombro de loĝantoj | 2868 |
| Areo | 4,44 km² |
| Alteco | 882 m super marnivelo |
| Poŝtkodo | 1971 |
| Komunumkodo | 6263 |
 | |
| Situa mapo de Grimisuat | |
Geografio redakti
La komunumo Grimisuat situas en la franclingva Suba Valezo norde de la kantonĉefurbo Siono ĉe la norda flanko de la Valo de Rodano, en sudo de la komunumo ĉe la rodana valflanko etendiĝas vastaj vitejoj. La komunumo konsistas el la vilaĝoj Grimisuat kaj Champlan, kaj la vilaĝetoj Comera kaj Les Combes.[1]
La teritorio de la komunumo etendiĝas sur areo de 4,44 km², de kiuj 13,0% estas kovritaj de arbaro, 55,5% servas por agrikulturo kaj 27,6% por setlado. [2]
Najbaraj komunumoj redakti
La komunumo Grimisuat limas en nordo al Arbaz, en oriento al Ayent, en sudo al la kantonĉefurbo Siono, kaj en okcidento al Savièse.
Trafiko redakti
Grimisuat siutas flanke de la gravaj trafikvojoj. En la komunumo kruciĝas konekta vojo de Ayent al Savièse kun vojo de Arbez al Siono. La plej proksima alveturejo al la svisa aŭtovojo A9 situas 2 kilometrojn sude de la komunumo apud Siono. Pere de poŝtaŭtolinioj de Crans-Montana tra Ayent kaj de Arbez al Siono la komunumo estas konektita al la publika transportreto.
Historio redakti
La unua dokumenta mencio de Grimisuat datiĝas el la jaro 1001 kiel Grimisoch. La burgo estis konstruita de la nobela familio de Grimisuat, kiu estis menciita en la 13-a kaj 14-a jarcentoj. La burgo en la 14-a jarcento estis koncedita al la Senjoroj de Crista, tio estis la familio Ambühl. Tiu konstruaĵo servis de la 16-a jarcento ĝis 1981 kiel pastrejo kaj estas la plej malnova konstruaĵo en la komunumo. Dum mezepoko ĝis la Helveta Revolucio la komunumo apartenis al la Senjoroj de Ayent. En la jaro 1798 Grimisuat estis atribuita al la Valeza Dekono Siono.[3]
Famuloj redakti
En Grimisuat mortis hungardevena violonisto Tibor Varga.
Notoj kaj referencoj redakti
- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: [URL: http://www.hls-dhs-dss.ch/textes/d/D2799.php Bernard Monnet: Grimisuat en Historia Leksikono de Svislando (2007-02-20)]
Eksteraj ligiloj redakti
- Vidu ankaŭ en la Vikimedia Komunejo la kategorion Grimisuat – (Kolekto de bildoj kaj plurmediaj dosieroj)