Muusses Esperanto-Biblioteko

Muusses Esperanto Biblioteko (sur librokovriloj tiel skribata) estis titolo de libroserio, kiun eldonis antaŭ la Dua Mondmilito la Esperanto-eldonejo Jan Muusses, parto de ĝenerala libroeldonejo Jan Muusses kiu situis en la urbo Purmerend en Nederlando. La redakcio de Muusses Esperanto Biblioteko konsistis el famaj esperantistoj. Inter ili estis Julius Glück, Teo Jung kaj J.H. Willems.

Emblemo de la serio

Libroj eldonitaj en libroserio Muusses Esperanto Biblioteko

La Problemo de Lingvo Internacia, 1938.

• №1 La Grandaj Filozofoj kaj la Universala Lingvo (1937) de Julius Glück
• №2 Rusaj Noveloj, 1937, M.J.Lermontov kaj D.N.Mamin-Sibirjak
• №3 De Muheddin ĝis Mundilatin: Mondlingvaj projektoj tra la jarcentoj de Teo Jung
• №4 Tra Usono kun Ruliĝanta Hejmo de Joseph R. Scherer
• №5 El la Klasika Periodo de Esperanto: (Grabowski kaj Kabe) (1937) de Julius Glück
• №6-7 La Kongresaj Paroladoj (partoj I kaj II) de L. L. Zamenhof
• №8 La Avo de Sándor Petőfi
• №9 La Ĵusnaskito de Ricardo Becerro de Bengoa

	„ La noveleto estas simpla sed ĉarma kaj la „nekredebla historio“ certe estos agrabla legaĵo por multaj. Gi temas pri plilongigo aŭ eĉ eternigo de la homa vivo. ” — Aŭstria Esperantisto (revuo) n150 (jan 1938)

• №10 La Jubilea Kongreso de Esperanto 1912 (La 8-a Kongreso en Krakovo): Rememoraĵoj kaj oficialaj dokumentoj de Julius Glück
• №11 La Ora Jubilea Kongreso de Esperanto 1937 organizita de Julius Glück

„ El la subtitolo oni sciiĝas ja pri kio temas. Kompreneble ne ĉiuj paroladoj trovis lokon en la libreto, sed la elekto estis bona. Atentu kaj juĝu mem! Parolado de Louis Bastien, prezidanto de IEL, ĉe la tombo de d-ro Zamenhof; de Varma Thilander ĉe la tombo en versoj; de Julius Glück ĉe la tombo de Antoni Grabowski; de Varma Thilander en la interkonatiĝa vespero de la blindula kongreso (versaĵo); de Julius Glück „Zamenhof kiel scienculo kaj filozofo“; de Paul Nylén, vicprezidinto de la Akademio de Esperanto, dum la ferma kunsido. Aldonita estas artikolo de d-ro Zamenhof „Pri la Kongreso“ (1905). ” — Aŭstria Esperantisto n.152 (mar 1938)

• №12 Nordnordaj Fabeloj (1937) de Joel Thézard
• №13 En la Vagono kaj Aliaj Rakontoj (1937) de Ivan Ŝirjaev
• №14-15 La Problemo de Lingvo Internacia, serio de radio-paroladoj fare de Björn Collinder
• №16 Rozinjo de G. Török
• №17 El la Londona Skizlibro de Charles Dickens
• №18 Flugado Alimonden (1938) de Ernest G. Dodge
• №19 Patro kaj Filo kaj Aliaj Rakontoj de Jordan Jovkov