Nagykörű

Nagykörű [nadjkorU] estas vilaĝo en meza Hungario en regiono Norda Ebenaĵo, en departemento Jász-Nagykun-Szolnok, en Distrikto Szolnok. La loknomo signifas hungare: granda cirklo (=Tiso-ĉirkaŭbrako).

Blazono de Nagykörű

Bazaj informoj

• Koordinatoj: 47° 16′ 34″ N 20° 26′ 4″ O (mapo)
• Poŝtkodo: 5065
• Telefonkodo: 56
• Areo: 43 km²
• Loĝantaro: 1725

Situo

Nagykörű situas ĉe la dekstra bordo de Tiso, kie pramo funkcias al Fegyvernek.

Historio

En 1212 abatejo fondiĝis, baldaŭe ankaŭ komunumo fondiĝis. La Tiso ĉirkaŭbrakis la vilaĝon, tial la turkoj ne tuŝis la komunumon. Reguligo de la Tiso ŝanĝis geografian situon de la vilaĝo.

La komunumo famiĝis pro la ĉerizo: tie troveblas la plej granda ĉerizarbaro kaj la sola subspecio-kolektaĵo (ĉ. 100). Fine de la 19-a jarcento bienulo György Petrovay alportis la ĉeriztipon de Germersdorf, pri kiu iĝis fama la vilaĝo.

Vidindaĵoj

• Romkatolika mezepoka Preĝejo Mario Magdaleno (Nagykörű), la turo estas 30 m-ojn alta
• La proksimeco de Tiso, naturprotektaj areoj allogas ankaŭ la turismon

Famuloj

En Nagykörű naskiĝis:

• aktoro Ferenc Pethes
• ministro Endre Juhász.