Nigra cipselo

La Nigra cipselo (Cypseloides niger) estas birdo el la familio de apusedoj, kiu enhavas apusojn, apusetojn, cipselojn, ktp. Tiu estas la plej granda apuso el Nordameriko. Tiu birdo reproduktiĝas el norda Brita Kolumbio en okcidenta Kanado tra okcidenta Usono kaj Meksiko al Kostariko. Ĝi troviĝas ankaŭ en insuloj de Karibio.

Kiel legi la taksonomion Nigra cipselo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Apodoformaj Apodiformes Familio: Apusedoj Apodidae Genro: Cypseloides Specio: C. niger
Dunomo
Cypseloides niger (Gmelin, 1789)
Konserva statuso
Konserva statuso: Malplej zorgiga
Sinonimoj
Aliaj Vikimediaj projektoj

Dumfluge, tiu birdo aspektas kiel fluganta cigaredo kun longaj sveltaj kurbaj flugiloj. La plumaro estas ĉefe fulge malhelgriza. Estas ia kontrasto inter supra kaj suba flugilo. La ŝultroj estas multe pli malhela laŭ koloro ol la cetero de la flugilo. Ili havas ankaŭ iom forkoformajn vostojn.

La reprodukta habitato estas ofte asocia kun akvo. La birdoj plej ofte nestuma en altaj kornicoj de klifoj, ĉu supre la oceana surfaco aŭ malantaŭ au ĉe akvofalo. La nesto estas farita el bastonetoj kaj musko kungluita kun koto, kaj ankaŭ uzos filikon kaj algojn, se estas disponeblaj. La ino plej ofte demetas 1 ovon, foje 2, kaj kovado daŭras 23-27 tagojn. Idoj estas manĝigataj unufoje tage de ambaŭ gepatroj, plej ofte krepuske.

Tiuj birdoj migras el Nordameriko post la reprodukta sezono. Oni ne certas pri kie precize plej parto de tiuj birdoj pasas la vintron, kvankam ŝajne kelkaj el la cipseloj de Karibio restas tie la tutan jaron kiel loĝantoj. Ili estas el la plej lastaj migrantoj aperantaj, ofte vidataj migrantaj en mezjunio al frua julio. Ili migras en grandaj aroj.

Tiuj birdoj vivas dumfluge kaj manĝas dumfluge. Ili manĝas flugantajn insektojn, ĉefe flugantajn formikojn kaj skarabojn. Ili kutime manĝas laŭ grupoj, flugantaj tre proksime kune.

Referencoj

• BirdLife International (2004). Cypseloides niger. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12 Majo 2006. Ne minacata

Eksteraj ligiloj

• Poŝtmarkoj Karibio: Dominiko
• Fotaro de nigra cipselo VIREO