Nuclear War Survival Skills
Nuclear War Survival Skills aŭ mallonge NWSS estas anglalingva libro verkita de Cresson Kearny kiel manlibro de civila defendo. Ĝi enhavas informojn kolektitajn el la esploro farita ĉe Oak Ridge National Laboratory dum la malvarma milito kaj el la longa vivado en ĝangalo fare de Kearny kaj el liaj internaciaj vojaĝoj.
| Nuclear War Survival Skills | |
|---|---|
| literatura verko | |
| Aŭtoroj | |
| Aŭtoro | Cresson Kearny |
| Lingvoj | |
| Lingvo | angla lingvo |
| Eldonado | |
| Eldondato | septembro 1979 |
| Eldonejo | Oak Ridge National Laboratory |
| Ĝenro | nefikcia literaturo • memhelpa libro |
Nuclear War Survival Skills strebas provizi ĝeneralan publikon per konsiloj pri kiel travivi verŝajnajn kondiĉojn en la kazo de nuklea katastrofo kaj enkuraĝigi de optimismon alfrontante tia-ĉi specan katastrofon per aserto de travivebleco de nuklea milito.
Trarigardo
redaktiAntaŭ la ĉefaj ĉapitroj estas antaŭparoloj de Edward Teller kaj Eugene Wigner. Post tio estas enkonduko, kiu klarigas, ke eĉ sukceso de la Strategia Defenda Iniciato (angle Strategic Defense Initiative) ne igus "memhelpan civilan defendon" antikva. Oni komparas preparojn de civila defendo en Svislando, Sovetunio kaj Usono, kie oni konkludas, ke: "Svislando havas la plej bonan sistemon de civila defendo"; "La regantoj de Sovetunio... daŭre preparas rusojn batali, travivi kaj veki en ĉiuj specoj de militoj"; kaj ke "Usono advokaciis por... strategio, kiu intence lasas siajn civitanojn esti neprotektataj ostaĝoj de siaj malamikoj."[1] Tial "La emfazo en tiu ĉi libro estas sur preparoj por travivado, kiuj povas esti faritaj en kelkaj lastaj tagoj de malpliboniĝanta krizo."[1]
La Danĝeroj de Nukleaj Armiloj: Mitoj kaj Faktoj
redaktiLa unua ĉapitro strebas provizi informojn refuti diversajn malmoraligajn mitojn kaj reasertas potencialan traviveblecon kaj realecon de nukleaj armiloj. "Kompleta nuklea milito inter Ruslando[sic] kaj Usono... estus for de la fino de homa vivo sur tero."[2] Listigitaj mitoj inkluzivas: "Radianta elfalaĵo el nuklea milito venenigus la aeron kaj la tutan medion. Ĝi mortigus ĉiun."; "Radiado de elfalaĵo trairas ĉion; ne eblas eskapi ĝiajn mortigajn efikojn."; kaj "Netravivebla "nuklea vintro" certe sekvos nuklean militon."[2]
Psikologiaj Preparoj
redaktiTiu ĉi ĉapitro provizas informojn pri tujaj efikoj de termonukleaj eksplodoj kaj pri verŝajnaj homaj reagoj al ili, strebante malpligrandigi hororon kaj konfuzon, kiu estus vasta post neatendita nuklea atako. "Kelkaj homoj pensus, ke la fino de la mondo venis, se ili estus en la areo laŭvente de surtera eksplodo de nukleaj armiloj, kiuj elsuĉis milionojn da tunoj de polvigita grundo en la aeron."[3]
Avertado kaj Komunikado
redaktiĜi ilustras limigojn de la Nacia Averta Sistemo (angle National Warning System aŭ NAWAS) kaj de la sirena atak-averta signalo, konkludante ke "En la kazo de kompleta atako, la fruaj eksplodoj donus sufiĉan averton al plejmulto de la homoj por atingi proksiman ŝirmejon ĝustatempe."[4]
Evakuo
redaktiPro anstataŭigo de grandaj armilkapoj sur neakurataj rakedoj per malpli grandaj armilkapoj sur pli akurataj rakedoj, "vi povas logike konkludi, ke se via hejmo ne estas pli proksime ol 10 mejlojn (proksimume 16 kilometrojn) de la plej proksima probabla celo, vi ne bezonas evakui vin por eviti la danĝerojn de eksplodo kaj fajro."[5] Evakuo relevanta al la radiada risko de elfalaĵo estas detale pridiskutata, kie estas notite, ke plejmulto de la disponeblaj mapoj de elfalaĵaj risk-areoj estis neakurataj, neĝisdataj kaj misgvidaj.[5]
Ŝirmejo, la Plej Granda Bezono
redaktiProvizas informon pri pri protekto kontraŭ elfalaĵo kaj pri bazaj strukturoj; kompletaj proponoj por "6 specoj de per grundo kovritaj ŝirmejoj" estas provizataj en Aldonaĵo A.
Ventumado kaj Malvarmigado de Ŝirmejoj
redakti"Kelkaj ŝirmejoj danĝere varmiĝos ene de kelkaj horoj."[6] La aer-pumpilo de Kearny (angle The Kearny air pump; kies priskribo estas en la aldonaĵo) estas rekomendata, konsiderante naturan ventumadon nesufiĉan kaj elektrajn pumpilojn nefidindajn kaj varmigantajn la aeron.[7] Filtriloj estas konsiderataj nenecesaj, "la danĝero de elfalaĵaj partikloj envenintaj la ŝirmejon per nefiltrita ventuma aero estas malgranda kompare kun la danĝeroj de nesufiĉa ventumado."[6]
Protekto Kontraŭ Fajro kaj Karbona Monooksido
redaktiFajro estas konsiderata la tria plej danĝera risko post direktaj eksplodaj efikoj kaj elfalaĵa radiado. Estas notite, ke dum la Bombado de Dresdeno, "Plejmulton de la mortoj kaŭzis enspirado de varmaj gasoj kaj karbona monooksido".[8]
Tio ĉi estas eĉ pli granda danĝero en ŝirmejoj, kiuj dependas je ventumado. Se fajro okazas en la ŝirmejo, la enloĝantoj devus iri en ĉambron, en kiu la ventumado el aliaj ĉambroj povus esti malebligita. Dum konstruado de ŝirmejo, Dr-o A. Broido proponas lokigi la eniran ventum-tubon tiom for de fajrigeblaj materialoj, kiom eblas.
Akvo
redaktiEstas diskutata la graveco de akvo por baza travivado kun la rekomendo, ke 4 ĝis 5 kvartoj (3,78 ĝis 4,73 litroj) da trinkebla akvo per tago per persono estas necesa kiel minimumo.[9] Metodoj de stokado, transportado kaj purigado de akvo estas ankaŭ klarigitaj rekomendante per plasto kovritajn subterajn stokejojn por stokado de grandaj kvantoj da akvo.[9]
Manĝaĵo
redaktiBaza vegetara dieto konsistanta nur el la stoko de bazmanĝaĵoj estas prezentita kune kun bazaj nutraj faktoj kaj speciala rekomendo por infanoj, maljunuloj kaj malsanuloj. "Kaj pro la rimarkinda produktemo de usona agrikulturo, estus sufiĉe da grejnoj kaj faboj stokitaj por provizi travivantajn usonanojn per sufiĉa manĝaĵo por almenaŭ unu jaro post granda nuklea atako.[10] Estu gardema manĝante karnon. Areoj kun sufiĉo da elfalaĵo por malsanigi la bestojn iĝos alt-riskaj areoj por kontaminita karno. En kriza situacio la karno devus esti kuirita ege bone ("very well done").
Mezuriloj de elfalaĵa radiado
redakti
Revizias la plej bonajn dozo-mezurilojn kaj dozimetrojn atingeblajn en 1987 kaj priskribas Kearny fallout meter, "hejm-fareblan dozo-mezurilon", kiu povas esti farita el ĝuste skaligita kopiaĵo de la planoj, kiel tiuj provizitaj en la formo de kopiaĵoj en la libro.[11][12]
Lumo
redakti"En militaj kondiĉoj, eĉ pala lumo, kiu videbligas nur la konturojn de apudaj homoj kaj aĵoj povas krei diferencon inter eltenebla situacio kaj martirio."[13] Planoj por taŭga olea lampo estas inkluzivitaj.[13]
Rifuĝeja Higieno kaj Antaŭzorga Medicino
redaktiKovritaj temoj inkluzivas: Pura akvo kaj manĝaĵo; kontrolo de insektoj; prevento de haŭtaj malsanoj; forigo de homaj malpuraĵoj; forigo de kadavroj; kaj preventado de spirsistemaj malsanoj.[14]
Travivado sen doktoroj
redaktiWhere There Is No Doctor estas rekomendata aldona legaĵo por tiu ĉi ĉapitro. Citaĵoj estas provizitaj kune kun aldonaj informoj specifaj por sanefikoj de radiado kaj por la uzo de kalia jodido.[15]
Taŭga meblaro por ŝirmejo
redaktiEn tiu ĉi ĉapitro estas pridiskutata improvizita meblaro, inkluzive de hamako kreita el litotolaĵoj kaj de pendanta seĝo kreita el la hamako.[16]
Improvizitaj vestaĵoj kaj protektiloj
redaktiEstas klarigitaj principoj de varma insulado; estas provizitaj ideoj por taŭgaj vestaĵoj por malvarma kaj malseka medio.[17]
Minimuma antaŭ-kriza prepariĝo
redaktiEn tiu ĉi ĉapitro estas provizita listo de rekomenditaj prepariĝoj por: ŝirmejo, ventumado de ŝirmejo, akvo, manĝaĵo, elfalaĵa mezurilo, higieno, medikamentoj, lumo, komunikiloj, ktp.[18]
Permanenta elfalaĵa ŝirmejo por ambaŭ uzoj
redaktiEstas provizitaj konsideroj por permanenta elfalaĵa ŝirmejo kun emfazo de maksimuma loĝebleco je minimuma kosto.[19]
Trans-pacifika elfalaĵo
redaktiLa ĉapitro priskribas eblajn danĝerojn por Usono de elfalaĵo devananta el limigita nuklea interŝanĝo inter aliaj landoj.[20]
Aldonaĵoj
redakti- Aldonaĵo A: Instrukciojn por ses taŭgaj elfalaĵaj ŝirmejoj
- Aldonaĵo B: Kiel krei kaj uzi hejmfaritan ventumilon, la t.n. Kearny Air Pump
- Aldonaĵo C: Instrukcioj por hejmfarita elfalaĵa mezurilo
- Aldonaĵo D: Taŭgaj kontraŭ-eksplodaj ŝirmejoj
- Aldonaĵo E: Kiel krei hejmfaritan piŝtan pumpilon
- Aldonaĵo F: Provizado de plibonigita ventumado kaj lumigo
Akcepto
redaktiEn la artikolo, kiu akre kritikis la tutan ĉi-specan ĝenron, Bulletin of the Atomic Scientists (Vol 39, 1983) priskribas la libron kiel unu el la du pli signifaj libroj pri travivado de nuklea milito el la kvar reviziitaj. La dua signifa libro, Life After Doomsday: A Survivalist Guide to Nuclear War and Other Major Disasters de Bruce D. Clayton, mem onidire aprezas kaj prenas informojn el Nuclear War Survival Skills. La artikolo en Bulletin of the Atomic Scientists duavice laŭdas Nuclear War Survival Skills pro ĝia inkluzivo de "detalaj diagramoj por konstruo de ŝirmejoj; testado de radiado per hejmfaritaj mezuriloj; provizado de ventumado; filtrado de akvo kaj higieno," sed daŭrigas kun konstato, ke la baza manko de Nuclear War Survival Skills kaj de la aliaj reviziitaj libroj estas, ke ili okupiĝas nur pri mallong-tempa travivado kaj evitas profundan pripenson pri la longdaŭraj konsekvencoj de nuklea konflikto por la daŭra pluvivo de ambaŭ: iliaj diligentaj legantoj kaj la ekvilibro de la homaro.[21]
Historio de publikado
redaktiNuclear War Survival Skills estis eldonita en publikan havaĵon fare de la aŭtoro kaj ĝi estas atingebla en cifereca formo je diversaj lokoj en la Interreto. Por la presita formo oni devas pagi modestan prezon.
Post ĝia origina eldono en Septembro 1979, ĝi estis ĝisdatigita en Majo 1987 kun signifa aldona parto pri nuklea vintro, konsistanta plejparte el detala la malfortaj antaŭsupozoj uzitaj de modeloj de nuklea vintro.[2]
Ligiloj
redaktiReferencoj
redaktiEn tiu ĉi artikolo estas uzita traduko de teksto el la artikolo Nuclear War Survival Skills en la angla Vikipedio.
- ↑ 1,0 1,1 Kearny, Cresson H.. (1988) Nuclear War Survival Skills. Oregon Institute of Science and Medicine, p. 2–10. ISBN 0-942487-01-X.
- ↑ 2,0 2,1 2,2 Kearny, Cresson H.. (1988) Nuclear War Survival Skills. Oregon Institute of Science and Medicine, p. 11–20. ISBN 0-942487-01-X.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 21. ISBN 0-942487-01-X.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 23–25. ISBN 0-942487-01-X.
- ↑ 5,0 5,1 Kearny, Cresson H.. (1988) Nuclear War Survival Skills. Oregon Institute of Science and Medicine, p. 28–30. ISBN 0-942487-01-X.
- ↑ 6,0 6,1 Kearny, Cresson H.. (1988) Nuclear War Survival Skills. Oregon Institute of Science and Medicine, p. 51–56. ISBN 0-942487-01-X.
- ↑ Kearny, Cresson H. (1967) Instructions for Building a Homemade Large-Volume Shelter-Ventilating Punka-Pump. Oak Ridge, TN: Oak Ridge National Laboratory. doi:10.2172/4455031.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 62–66. ISBN 0-942487-01-X.
- ↑ 9,0 9,1 Kearny, Cresson H.. (1988) Nuclear War Survival Skills. Oregon Institute of Science and Medicine, p. 67–71. ISBN 0-942487-01-X.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 76–78. ISBN 0-942487-01-X.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 95–100. ISBN 0-942487-01-X.
- ↑ Kearny, Cresson H. (1978) The KFM, A Homemade Yet Accurate and Dependable Fallout Meter (angle). Oak Ridge, TN: Oak Ridge National Laboratory.
- ↑ 13,0 13,1 Kearny, Cresson H.. (1988) Nuclear War Survival Skills. Oregon Institute of Science and Medicine, p. 101–103. ISBN 0-942487-01-X.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 106–108. ISBN 0-942487-01-X.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 109–117. ISBN 0-942487-01-X.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 118–125. ISBN 0-942487-01-X.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 126–132. ISBN 0-942487-01-X.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 133–134. ISBN 0-942487-01-X.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 135–151. ISBN 0-942487-01-X.
- ↑ Kearny, Cresson H.. (1988) Nuclear War Survival Skills. Oregon Institute of Science and Medicine, p. 152–155. ISBN 0-942487-01-X.
- ↑ Smith, Gaddis (Junio–Julio 1983). “Programs for Surviving Nuclear War: A Critique”, Bulletin of the Atomic Scientists 39, p. 29–30. doi:10.1080/00963402.1983.11459007. Alirita 2014-01-16..
Vidu ankaŭ
redaktiEksteraj ligiloj
redakti- Reta eldono de Oregona Instituto pri Scienco kaj Medicino (eldono el 1999 kun ĝisdatigo en 2001)
- La eldono el 1987 en Interreta Arkivo