Obstalden

(Alidirektita el Obstalden GL)

Obstalden estis ĝis la 31-a de decembro 2010 politika komunumo en Kantono Glaruso, en Centra Svislando. Ĝi havis 460 loĝantojn je la 31-a de decembro 2008. Kun efiko de la 1-a de januaro 2011 Obstalden estis integrita al la nova komunumo Glaruso Nordo.

Obstalden
Blazono de Obstalden
Obstalden
Kantono Glaruso
Komunumo(j) Glaruso Nordo
Koordinatoj  47° 7′ 2″ N 9° 9′ 2″ O / 47.11722 °N, 9.15056 °O / 47.11722; 9.15056 (mapo)
Nombro de enloĝantoj 460
Areo 23,76 km²
Alteco 684 m super marnivelo
Poŝtkodo 8758
Mapo de Obstalden
Information icon.svg
vdr

GeografioRedakti

Obstalden situas ĉe la suda bordo de Valenlago. La efektiva vilaĝo troviĝas sur teraso de Kerenzerberg sur alteco de 685 m s.m. Al la iama komunumo apartenas krom la ĉefvilaĝo la vilaĝetoj Hüttenberge, Walenguflen, Nidstalden, Voglingen kaj Mühletal. Kune kun Filzbach kaj Mühlehorn Obstalden formas la regionon Kerenzerberg. Sur la iama komunuma teritorio situas la montmasivo Mürtschenstock.

Najbaraj komunumojRedakti

La komunumo Obstalden limas en nordo aliflanke de Valenlago al Amden (SG), en oriento al Mühlehorn, en sudo al Quarten (SG), en sudsudokcidento al Sool, en sudokcidento al Ennenda, kaj en okcidento al Filzbach.

Monda naturheredaĵoRedakti

Obstalden apartenas al la Svisa Tektonika Areno Sardona, regiono kiu estis la 7-an de julio 2008 akceptita kiel Monda Naturheredaĵo de UNESKO.

TrafikoRedakti

Obstalden estas konektita al la publika transportreto per poŝtaŭtolinio de Mühlehorn al Mollis. Sub la vilaĝo pasas en tunelo la sudaj ŝpuroj de la svisa aŭtovojo A3 direkte al Zuriko, dum la nordaj ŝpuroj pasas laŭlonge de lagobordo al la direkto de Koiro. La plej proksima alveturejo al la aŭtovojo situas 2 kilometrojn nordoriente en Mühlehorn.

HistorioRedakti

La unua dokumenta mencio de Obstalden datiĝas el la jaro 1340 en la urbaro de la Monaĥejo Säkingen.[1]

Kadre de la glarusa komunumreformo la komunumo Obstalden estis kun efiko de la 1-a de januaro 2011 kunigita kun al komunumoj Bilten, Filzbach, Mollis, Mühlehorn, Näfels, Niederurnen kaj Oberurnen al la nova komunumo Glaruso Nordo.

Notoj kaj referencojRedakti

  1. Fonto: Artikolo pri la historio de Obstalden sur la komunuma retejo

Eksteraj ligilojRedakti

  •   Komunejo proponas multimediajn dosierojn al temo sub la gloso Obstalden

    BildojRedakti