Orgorĝa makronikso
La Orgorĝa makronikso (Macronyx aurantiigula) estas specio de birdo de la familio de Motaciledoj, kiu enhavas ankaŭ la motacilojn kaj la pipiojn, kaj en ties genro de Makroniksoj aŭ Longunguloj, kiuj estas afrikaj birdoj de brunecaj supraj partoj kaj tre brilkoloraj gorĝoj (el flava tra oranĝa al rozkolora). Ĝi povus formi superspecion kun la Ruĝgorĝa makronikso, M. ameliae. Krome la birdoj el suda Kenjo foje estis separataj kiel raso subocularis. Ĝi estas monotipa.
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Orgorĝa makronikso
| ||||||||||||||
| Biologia klasado | ||||||||||||||
| ||||||||||||||
| Macronyx aurantiigula (Reichenow, 1891) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
Ĝi troviĝas en orienta Kenjo (ĉefe ĉe marbordoj sed ankaŭ ĝis Najrobio), suda Somalio kaj nordorienta Tanzanio. Ties natura habitato estas seka savano kaj subtropikaj aŭ tropikaj sekaj herbejoj de malaltaj teroj. Tiu estas birdo de malferma herbejo en pli sekaj areoj ol la simila Flavgorĝa makronikso. Ambaŭ specioj estas simpatrikaj ĉe marbordo, sed fore ili ne koincidas.
La Orgorĝa makronikso havas sablokolorajn subflave flankojn kaj la gorĝareo estas oranĝaflava al tre brila sulfurflava, kio nomigas la specion kaj en Esperanto kaj en la latina scienca nomo kie aurantiigula signifas precize “kun ora gorĝo”. Tiu areo estas bordita de nigra larĝa strio kiu striiĝas vertikale suben. La resto de la brusto montras flavecan nuancon. En kapo estas flava antaŭa superokula strio kaj bruneca strieca krono. La dorso montrs nigrecajn plumojn kun helbrunajn bordojn.
Referencoj
redakti- BirdLife International 2004. Macronyx aurantiigula[rompita ligilo]. 2006 IUCN Ruĝa Listo de Minacataj Specioj. Konsultita la 26an de julio 2007.
