Orienta Anatolio

Orienta Anatolio aŭ Orienta Anatolia regiono (turke Doğu Anadolu Bölgesi) estas unu el la 7 popolnombradaj regionoj de Turkio. Ĝi situas en orienta parto de la lando. Ĝi havas la plej grandan averaĝan alton, plej grandan areon kaj plej malgrandan loĝdenson el ĉiuj regionoj de Turkio.

Orienta Anatolio
Regiono
Regionoj de Turkio, artefarita teritoria unuo [+]
Lando	Turkio
- koordinatoj	40° 0′ 0″ N, 42° 0′ 0″ O (mapo)4042 [+]
Plej alta punkto	Ararato [+]
Akvokolektejo	165 436 km² (16 543 600 ha) [+]
Areo	165 436 km² (16 543 600 ha) [+]
Loĝantaro	6 100 000 [+]
Denseco	36,87 loĝ./km² [+] [+]
Orienta Anatolio (Tero)
Orienta Anatolio (Turkio) DEC
Vikimedia Komunejo:  Eastern Anatolia Region [+]

Orienta Anatolio

La regiono kaj la nomo estis unue difinitaj en la Unua Geografia Kongreso en Turkio en 1941 en Ankara por anstataŭigi terminojn "Armena altebenaĵo" kaj "Armena montaro" uzitajn en ne-turkaj eldonoj por priskribi la regionon.

Situo

Orienta Anatolio situas en la plej orienta parto de Anatolio en Turkio. Ĝi estas barita per Centra Anatolio de okcidento, Nigra Mara regiono de nordo, Sudorienta Anatolio kaj Irako de sudo, Irano kaj Naĥiĉevano kaj Armenio de oriento.

La areo de la regiono estas 171.061 km², kio estas 21 % de la tuta areo de Turkio.

Provincoj

• Provinco Ağrı
• Provinco Ardahan
• Provinco Bingöl
• Provinco Bitlis
• Provinco Elazığ
• Provinco Erzincan
• Provinco Erzurum
• Provinco Hakkâri
• Provinco Iğdır
• Provinco Kars
• Provinco Malatya
• Provinco Muş
• Provinco Tunceli
• Provinco Van

Loĝantaro

La tuteca loĝantaro de la regiono estas 6.100.000 homoj laŭ popolnombrado de 2000. La kampara loĝantaro estas pli granda ol la urba loĝantaro. La migrada nivelo al la aliaj regionoj, aparte al Marmora regiono, estas alta, kaj loĝdenso (35 personoj/km²) estas pli malgranda ol la averaĝa por Turkio (85 personoj/km²).

Geografio

Averaĝa alto estas 2200 m. Estas multaj ebenaĵoj kaj altebenaĵoj. Estas iu vulkana agado hodiaŭ.

• Lagoj:
  • Van estas la plej granda lago en Turkio
  • Hazar
  • Balık
  • Bulanık
  • Nazik
  • Çıldır
  • Erçek
• Riveroj:
  • Fırat,
  • Dicle,
  • Aras,
  • Kura,
  • Zap

Klimato kaj naturo

Pro tio, ke la plejparto de la regiono estas malproksime de maro kaj havas grandan alton, ĝi havas longan vintron kaj mallongan someron. Dum la vintro ĝi estas malvarma kaj neĝkovrita, dum somero la vetero estas malvarmeta en la montaro kaj varma en la malalta tereno.