Panĉkula

Panĉkula, hindie: पंचकुला estas planita urbego kaj municipo en nordokcidenta Barato, en norda parto de subŝtato Harjano, en la samnoma distrikto, kies sidejo ĝi estas. Panĉkula estas fakte sateliturbo de Ĉandigaro, nature apartenanta al urbaro de Ĉandigaro.

Panĉkula
urbo en Barato • planurbo
Administrado
Poŝtkodo	134 109 - 134 114
En TTT	Oficiala retejo [+]
Demografio
Geografio
Geografia situo	30° 42′ N, 76° 51′ O (mapo)30.69444444444476.850277777778 [+]
Alto	365 m [+]
Areo	898 km² (89 800 ha) [+]
Horzono	UTC+05:30 [+]
Panĉkula (Harjano) DEC Situo de Panĉkula
Panĉkula (Barato) DEC Situo de Panĉkula
Alia projekto
Vikimedia Komunejo Panchkula [+]

Aerfoto pri Panĉkula

Etimologio

La loknomo estas derivita de sanskritaj vortoj panĉ (पंच) =kvin kaj kula (कुला) =kanaloj. Tiuj kvin irigaciaj kanaloj distribuas akvon al la areo.

Demografio

En 2011 Panĉkula havis 211 355 (kun la aglomeraĵo 372 000) da loĝantoj kun legoscio 88%, signife pli alta, ol la landa averaĝo.

Geografio

Panĉkula situas en montaro Sivalikoj en averaĝa alteco de 338 metrojn laŭ la marnivelo. Subŝtata sidejo Ĉandigaro troviĝas 8, la najbara subŝtata sidejo Ŝimlao 54, Patiala 60, Ĥanna 61, Kurukŝetr 73, Jamunanagar 78, tutlanda ĉefurbo Delhio 234, Mumbajo 1367, Kolkato 1458 kilometrojn (aere) [1].

Historio

Ĉandigaro, Sahibzada Ajit Singh Nagar kaj Panĉkula kolektive formas Triopo Ĉandigaro. Panĉkula estas laŭplana urbo kun sektorsistemo, kie troviĝas signifa armea bazo.

Ekonomio

En Panĉkula la industria parko havas pintnivelan infrastrukturon por plifaciligi la informan teknologion.

Lingvoj

En Panĉkula la oficiala lingvo estas la hindia lingvo, al kiu aldoniĝis la angla kaj panĝaba lingvoj. La hindia estas la plimulta lingvo kiel gepatra lingvo, la panĝaba estas la dua plej parola lingvo.

Templo

Religioj

Laŭ religioj en Panĉkula vivas ĉefe hinduoj (91%), poste sikoj (5%), islamanoj (2%), iomete ankaŭ aliaj.

Eduko

En Panĉkula la plej altnivela eduko okazas en altlernejoj kaj institutoj.

Klimato

La klimato en Panĉkula estas subtropika, tamen foje dum decembro kaj januaro frostas. Jare pluvas averaĝe po 1029 mm. En ĉiuj monatoj pluvas iomete, tamen pro la musono tre ofte inter julio kaj septembro. La jara meza temperaturo estas 24 °C.

Strato

Trafiko

Panĉkula havas vojajn kaj fervojajn liniojn al la tutlanda reto. Ĉandigaro preskaŭ kontaktiĝas kun rektaj vojoj. La internacia flughaveno troviĝas tre proksime ĉe Ĉandigaro.

Vidindaĵoj

• pluraj preĝejoj, aparte menciinda hindua templo originanta de inter la 8-a kaj 11-a jarcentoj; ĝi estas kvazaŭ muzeo pro erotikaj skulptaĵoj
• botanika ĝardeno kaj esplorcentro pri kaktoj establita en 1987
• ĝardeno kun malgranda bestoĝardeno 20 km de la urbego; la laboro de kreado komenciĝis en la 17-a jarcento, nuntempa loko por ĉiujara mangofestivalo
• fortikaĵo

Fontoj

• WikiTrans

Bildoj pri Panĉkula

Fortikaĵo

Inaŭgura ŝtono en kaktoĝardeno

Monumento

Templo

Hotelo