Vuitebœuf
|
Por samtitola artikolo vidu la paĝon Vuiteboeuf (stacidomo). |
Vuitebœuf estas komunumo en la distrikto Vaŭda Nordĵuraso en Kantono Vaŭdo, Svislando. Ĝi havis 522 loĝantojn je la 31-a de decembro 2012.
| Vuitebœuf | |
|---|---|
 | |
| Blazono de Vuitebœuf | |
 | |
| Vuitebœuf | |
| komunumo en Svislando | |
| Kantono | Vaŭdo |
| Distrikto | Vaŭda Nordĵuraso |
| Koordinatoj | 46° 48′ 29″ N 6° 32′ 57″ O / 46.80806 °N, 6.54917 °O (mapo)Koordinatoj: 46° 48′ 29″ N 6° 32′ 57″ O / 46.80806 °N, 6.54917 °O (mapo) |
| Nombro de loĝantoj | 522 |
| Areo | 5,06 km² |
| Alteco | 589 m super marnivelo |
| Poŝtkodo | 1445 |
| Komunumkodo | 5766 |
 | |
| Situa mapo de Vuitebœuf | |
Geografio redakti
La komunumo Vuitebœuf situas en la Ĵurasa Montaro en la valo de la rivero Arnon, proksimume 6 kilometrojn nordokcidente de la distriktĉefurbo Yverdon-les-Bains. La plej alta punkto de la komunumo situas sur alteco de 1160 m s.m. en okcidento de la komunumo sur la deklivo de Monto Baulmes. La komunumo konsistas el la vilaĝoj Vuitebœuf kaj Peney, kaj diversaj izolitaj bienoj.[1]
La teritorio de la komunumo etendiĝas sur areo de 5,06 km², de kiuj 41,4% estas kovritaj de arbaro, 49,0% servas por agrikulturo kaj 8,6% por setlado. [2]
Najbaraj komunumoj redakti
La komunumo Vuitebœuf limas en nordo al Bullet, en nordoriento al Vugelles-La Mothe, en oriento al Orges, en sudo al Champvent, en sudokcidento al Baulmes, kaj en nordokcidento al Sainte-Croix.
Trafiko redakti
Tra Vuitebœuf pasas la kantona ĉefvojo n-ro 151 de Yverdon-les-Bains al Sainte-Croix. Kun ĝi kruciĝas en la vilaĝocentro konekta vojo de Baulmes al Fontaines-sur-Grandson. La plej proksima alveturejo al la svisa aŭtovojo A5 estas Yverdon-Okcidento, kiu situas proksimume 7 kilometrojn sudoriente de la komunumo. Pere de la mallarĝspura trajnlinio de Yverdon-les-Bains al Sainte-Croix la komunumo estas konektita al la publika transportreto. Tra la komunumo pasas ankaŭ la poŝtaŭtolinio de Yverdon-les-Bains al Novalles.
Historio redakti
La unua dokumenta mencio de Vuitebœuf datiĝas el la jaro 1028 kiel Vaitibo. Dum mezepoko Vuitebœuf estis doganejo inter la senjorujoj Grandson kaj Sainte-Croix. Sub la berna regado de 1536 ĝis la Helveta Revolucio de 1798 la parto norde de la rivero Arnon apartenis al la Voktejo Grandson kaj la parto sude de la rivero al la Voktejo Yverdon. Dum la Helveta Revolucio en marto 1798 apud Vuitebœuf okazis batalo inter la feŭdaj bernaj trupoj de la malnova reĝimo kaj de la franca armeo kaj revoluciaj trupoj. Post la Helveta Revolucio ĝi estis atribuita al la Distrikto Grandson kaj en 1803 al la Distrikto Orbe, kiu lasta kun efiko de la 1-a de januaro 2008 surbaze de la administra reformo de 2006 estis integrita al la nova Distrikto Vaŭda Nordĵuraso.[3]
Notoj kaj referencoj redakti
- ↑ Fonto: Reta mapo 1:20000 de Swisstopo Arkivigite je 2013-11-09 per la retarkivo Wayback Machine
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Chantal Lafontant: Vuitebœuf en Historia Leksikono de Svislando (2013-08-07)
Vidu ankaŭ redakti
Eksteraj ligiloj redakti
- Vidu ankaŭ en la Vikimedia Komunejo la kategorion Vuitebœuf – (Kolekto de bildoj kaj plurmediaj dosieroj)
Bildoj redakti
-
Preĝejo de Vuitebœuf -
Iama preĝejturo de Peney -
Vilaĝocentro de Peney
_112.JPG)
_103.JPG)