Preĝejo Elizabeto de Hungario (Palkonya)
Preĝejo Elizabeto de Hungario estas romkatolika historia monumento, impona rotondo en Hungario, en vilaĝo Palkonya.
| Preĝejo Elizabeto de Hungario | |
|---|---|
Aerfoto pri preĝejo Elizabeto de Hungario en Palkonya
| |
| kristana preĝejo | |
| Loko | |
| Ŝtato | Hungario |
| Municipo | Palkonya |
| Bazaj informoj | |
| Religio | kristanismo |
| Rito | romkatolika eklezio |
| provinco | Baranya |
| diocezo | Pécs |
| Arkitektura priskribo | |
| Konstrustilo | klasikismo |
| Konstruado | |
| Specifo | |
| Longo | diametro de la rotondo interne: 13,3 m |
| Alto | 18 m (rotondo); 38 m (turo) |
| Konstrumaterialo | masonita |
| Ligiloj | |
Historio
redaktiEn tiu loko la loĝantoj konstruis malgrandan kapelon en 1771, poste ĝi estis pligrandigita en 1816, samtempe la turo estis konstruita. Disvastiĝas alia informo, ke origine ĝi estis moskeo de turkoj. La rotondo renoviĝis en 1961, poste inter 1992-1996.
Konstruaĵo
redaktiLa preĝejo situas sola kaj ĝi estas videbla jam el longa distanco. Ĝi havas unusolan altan kaj kvadratan turon malantaŭ la sanktejo. Kontraŭ la turo estas la ĉefenirejo, en supro de la enirejo malgranda timpano (arkitekturo) estas videbla. Ekstere estas pli malgranda enirejo por la turo. Apud la turo malgranda sakristio etendiĝas. Interne origine estis flankoaltaroj, sed en 1961 ili estis malkonstruitaj. La baroka ĉefaltaro origine estis videbla en la Baziliko-katedralo de Sankta Petro kaj Sankta Paŭlo en Pécs. La ĉefaltara bildo prezentas Elizabeton disdonantan almozojn. Apud la ĉefaltaro staras 2 skulptaĵoj pri Madono kaj Jesuo. En supro de la kupolo granda fresko etendiĝas. Alia fresko super la altaro prezentas la Sanktan Triunuon. En meza strio de la kupolo estas pentritaj 5 simboloj pri la evangeliistoj. La preĝejo havas galerion por la orgeno kaj koruso.
La rotondo havas bonan akustikon, ofte estas aŭeblaj korusaj koncertoj. Kermeso okazas en la 19-an de novembro.
Fontoj
redakti- hungare kun fotoj
- hungare kun foto Arkivigite je 2017-02-15 per la retarkivo Wayback Machine
- hungare kun globpanorama foto
- hungare kun fotoj Arkivigite je 2016-05-13 per la retarkivo Wayback Machine
- hungare hungare kun fotoj
