Rob de Nijs
Rob de Nijs [Rob de Nejs] (naskiĝis la 26-an de decembro 1942) estas fama nederlanda kantisto kaj aktoro. Li estas iom konata ankaŭ en Esperantio, ĉar li en la jaro 1989 eldonis diskon kun esperantlingva kanto.
| Rob de Nijs | |
|---|---|
| |
| Persona informo | |
| Naskiĝo | 26-an de decembro 1942 (81-jaraĝa) en Amsterdamo |
| Ŝtataneco | Reĝlando de Nederlando |
| Familio | |
| Edz(in)o | Belinda Meuldijk |
| Okupo | |
| Okupo | aktoro • kantisto • televida aktoro • diskografa artisto |
| TTT | |
| Retejo | http://www.robdenijs.nl/ |
Rob de Nijs gajnis en 1962 je la aĝo 19 premion kun sia muzikgrupo Rob de Nijs & The Lords. La unua premio estis kontrakto kun diskeldonejo. La unuaj du kantoj estis malsukcesaj, sed Ritme van de regen 1963 estis furora; de ĝi vendiĝis entute preskaŭ 100.000 ekzemplerojn. En 1963 li partoprenis en la Kantokonkurso en Knokke-Heist - Belgio.
En 1976 li de la NIPO estis proklamita la plej populara kantisto de Nederlando. En 1985 li havis plej grandan sukceson de sia kariero kun la paca kanto Laat alles wat ademt. Tamen tiu kanto atingis nur la duan vicon de la listo de furorkantoj. En 1996 li sukcesis atingi la pinton kun la kanto Banger hart.
Lian kantaron oni hodiaŭ en Flandrio kaj Nederlando daŭre aŭskultigas sufiĉe ofte en radio. Li estas unu el la 10 plej popularaj nederlandlingvaj kantistoj.
La 17-an de septembro 2019, li sciigis ke li ĉesos kanti la sekvan jaron, ĉar li estis diagnozita per la Parkinson-malsano.
La 22-an de junio 2022 li prezentis adiaŭan koncerton en la Ziggo dome en Amsterdamo.
Lia kanto en Esperanto redakti
Eksteraj ligiloj redakti
- www.robdenijs.nl la oficiala retpaĝo (en la nederlanda)
- Rob de Nijs la teksto de Unu voĉ' tutmonda
- Muzikretejo pri la disko