Rozbrusta kardinalo
La Rozbrusta kardinalo (Granatellus pelzelni) estas specio de birdo de la familio de la Kardinaledoj iam lokitaj en la familio de Paruliedoj.
 | ||||||||||||||
|---|---|---|---|---|---|---|---|---|---|---|---|---|---|---|
;_Parauapebas,_Par%C3%A1,_Brazil.jpg) Rozbrusta kardinalo
| ||||||||||||||
| Biologia klasado | ||||||||||||||
| ||||||||||||||
| Granatellus pelzelni (Sclater, 1865) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Ĝi troviĝas en Bolivio, Brazilo, Gujanoj kaj Venezuelo. Ties natura habitato estas subtropikaj aŭ tropikaj humidaj arbaroj de malaltaj teroj. Ĝi troviĝas en la basenoj de la riveroj Amazono kaj Orinoko je mezaj niveloj kaj normale ĉe rojo aŭ rivero, en teritorio sufiĉe aparta el tiu de la aliaj du samgenraj specioj kiuj estas multe pli nordaj kun teritorio ĉe Meksikio kaj nur iom pli sude.
La masklo de la Rozbrusta kardinalo estas nekonfuzebla pro siaj rozruĝaj subaj partoj, kio nomigas la specion, escepte la blankaj gorĝo (bone limigita sube de nigra mallarĝa kolstrio) kaj flankoj. Liaj supraj partoj estas malhelgrizaj kaj nigriĝas en kapo kie rimarkindas tre kontrasta kaj blanka superokula strio malantaŭen, tute malkutima almenaŭ inter parulioj. La beko kaj kruroj estas malhelgrizaj.
La ino estas multe pli senkolora kaj de la ruĝa koloro estas nur malgranda parto en subpugo kaj tre svaga nuanco en blankecaj subaj partoj: la supraj partoj estas helgrizaj kaj la vizaĝo iom rozkolora anstataŭ nigra kaj en ĝi videblas pli svaga blanka superokula strio. Temas pri klara kazo de seksa duformismo.
Tiu birdo tipe ripozas je horizontala sinteno kun malfermita nigra vosto.
Referencoj redakti
- BirdLife International 2009. Granatellus pelzelni[rompita ligilo]. 2011 IUCN Ruĝa Listo de Minacataj Specioj. Konsultita la 9an de octubre 2011.
