Sam Owen JANSSON, svedo, muzea asistanto, filo de J. S. Jansson. Naskiĝis la 19-an de marto 1906 en Stokholmo estis sveda esperantisto kaj vortaristo.

Esperantisto de 1921, sekretario, poste prezidanto de Stokholma Esperanto-Grupo. Kune kun sia patro Jansson prilaboris svedan eldonon de angla Esperanta lernolibro de Montagu Christie Butler, kiu aperis en tri eldonoj en 1925, 1928 kaj 1934 (entute 12.000 ekzempleroj). En 1934 aperis lia sveda-Esperanta vortaro verkita kune kun Frits Lindén kaj Birger Gerdman (ĉ. 20.000 kapvortoj 1934, 576 p., 18x12 cm). Ĝin suplementis Ebbe Vilborg en 1975 ("Supplement till Svensk-Esperantisk Ordbok", 21x14 cm [1], 210 p. ĉ. 9.300 kapvortoj). Kiam ĝi aperis en 1934 la vortaro anstataŭis la samspecan, sed nur duone ampleksan de G. Henrik Backman de 1919. Krom el svedaj antaŭuloj ĝi precipe ĉerpis el Plena Vortaro (SAT 1930) kaj el la Enciklopedia Vortaro Esperanta-Germana de Eugen Wüster. Ĝia posteulo estas la sveda-Esperanta vortaro de Ebbe Vilborg de 1992 kun ĉ. 50.000 kapvortoj.

Eksteraj ligilojRedakti