Semajno de Internacia Amikeco

Emblemo de la Semajno de Internacia Amikeco (UEA).

Semajno de Internacia Amikeco estas iniciato disvolvita en la Esperanto-komunumo, kaj festata ĉiujare dum la lasta plena semajno de februaro. La Semajno unuafoje okazis en la jaro 1969.

La ideo estis lanĉita en 1968 de Erik Carlén, sveda aktivulo kaj plurjara vicprezidanto de UEA, kiu celis doni la okazon al esperantistoj tra la mondo organiziĝi por plifortigi la reciprokajn kontaktojn kaj senton[1].

Emblemo de la festo estas du interpremiĝantaj manoj sub la kvinpinta stelo kaj super la surskribo "Amikeco trans limoj". Ĉiu estas rajtigita uzi tiun emblemon, sed nur en la fiksita formo, senŝanĝe. Oni ne rajtas misuzi ĝin, ekz. por aliaj celoj.

En antaŭaj jaroj la festo estis okazo por interŝanĝi t.n. amikkartojn, librojn, ĉokoladskatolojn, florojn ktp. Nuntempe la ideo reviviĝas kaj UEA instigas esperantistojn festi la Semajnon, ankaŭ uzante interreton[2].

ReferencojRedakti

  1. Carlén, Erik: Amikeco trans limoj. [En:] Esperanto, oktobro 1968, p. 137.
  2. Pietrzak, Barbara: Amikeco trans limoj. [En:] Esperanto, februaro 2011, p. 27.

Vidu ankaŭRedakti

Eksteraj ligilojRedakti