Sinagogo

Sinagogo estas la preĝejo de la kredantaj judoj, kelkfoje eĉ nur ĉambro.

Laŭ Francisko Azorín sinagogo estas Tipa hebrea templo.^[1] Li indikas etimologion el la greka sinagoge, el sinago (kuniĝi) kaj de tie la latina synagoga.^[2]

Priskribo redakti

En la juda kredo estis malpermesite oferi beston ekster la Jerusalema templo. Post kiam tiun detruis romianoj (70 p.K.), la kredantoj daŭrigis la religian kulton en la sinagogoj; oni preĝas tie kaj legas la sanktajn skribojn, sed ne rajtas oferi bestojn.

La hebrea nomo por sinagogo estas aŭ Bejt Knesset - בית כנסת (Domo de Kunveno; ne konfuzu kun Knesset, la israela parlamento) aŭ Bejt Tefila - בית תפילה (Domo de Preĝo). La jida vorto estas ŝul (ĝi signifas ankaŭ "lernejo"). Sinagogo kutime havas grandan kunvenĉambron por preĝo (la ĉefa sanktejo) kaj aliajn ĉambretojn por studo. Ĝi eble havas sociĉambron kaj oficejojn. Flankenmetita studĉambro nomiĝas "Bejt Midraŝ" - בית מדרש (Domo de Studo).

Famaj sinagogoj redakti

Bildogalerio redakti

La granda sinagogo de Pilzeno
La Nova Sinagogo de Berlino
La Budapeŝta Sinagogo, la plej granda de Eŭropo
La Nova Sinagogo de Poznano, transformita de nazioj en naĝbasenon
Panelo sur la fasado de la Nova Sinagogo de Poznano

Notoj redakti

↑ Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 185.
↑ Azorín, samloke.

Eksteraj ligiloj redakti

Sinagogo en la Vikimedia Komunejo (Multrimedaj datumoj)
Kategorio Sinagogo en la Vikimedia Komunejo (Multrimedaj datumoj)
Sinagogo en ReVo

Ĉi tiu artikolo ankoraŭ estas ĝermo pri judismo.

Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).

[1] Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 185.

[2] Azorín, samloke.

[1]

[2]