Slava Esperanto-Studado
Slava Esperanto-Studado (mallonge SES) estis somera esperanto-instrua tendaro okazinta unufoje en la jaro 2007. Origine ĝi estis celita kiel aranĝo okazanta ĉiujare en alia slava lando, sed ekde la jaro 2008 ĝi transformiĝis en la Someran Esperanto-Studadon.
| ||||
|---|---|---|---|---|
| Nomo | Slava Esperanto-Studado | |||
| Regiono | Slovakio | |||
| Periodo | somero de 2007 | |||
| Organizanto | EK MASI, PEJ, SKEJ, LEK | |||
| Ekzistas ekde | 2007 | |||
| Celgrupo | Junularo | |||
| Informa retpaĝo | SES 2007 | |||
Celo redakti
SES celis instruadon de Esperanto en belnatura loko kaj pli profundan konatiĝon kun slavaj kulturoj – ĉiujare en alia slava lando.
Ideo redakti
La ideo okazigi internacian someran lernejon de Esperanto aperis dum novjara aranĝo Ago-Semajno (AS) en Nowy Sącz. La nova somera aranĝo temus ne nur pri amuzado, sed ĉefe pri instruado de Esperanto. Ĝi estus taŭga por tutaj komencantoj (instruataj pere de rekta metodo), samkiel por progresintoj, kiuj volas plibonigi la nivelon de sia lingvokapablo.
Historio redakti
La 1-a SES okazis en la jaro 2007 en Slovakio en vilaĝo Pribylina en hotelo Esperanto. Partoprenintoj lernis en 3 grupoj:
- komencantoj – la kurson gvidis Stano Marček laŭ sia rektmetoda lernolibro
- progresintoj – la paroligan kurson gvidis Xosé Conde
- spertuloj – la plej altnivelan kurson gvidis Irina Gonĉarova
La aranĝon partoprenis pli ol 60 homoj el 11 landoj.[1]
En la jaro 2008 la aranĝo okazis paralele kun lernu!-renkontiĝo, kiel Somera Esperanto-Studado, kaj ekde tiutempe ĝi plu portas tiun nomon kaj estas ĉeforganizata de E@I.[2]
Referencoj redakti
- ↑ sita (2007-07-20). V Pribyline bude od soboty letná škola esperanta (slovake). SME. Petit Press. Arkivita el la originalo je 2015-04-12. Alirita 2015-06-22. “Vyše 60 účastníkov z 11 krajín sa od soboty stretne v Pribyline na medzinárodnej letnej škole esperanta.”.
- ↑ KuboF (2011-09-25). Úspešná letná škola esperanta (slovake). SKEJ. Arkivita el la originalo je 2013-10-12. Alirita 2015-06-22. “Prvý SES, ešte pod názvom Slava Esperanto-Studado ("Slovanská škola esperanta"), bol organizovaný v roku 2007 Petrom Balážom. Ďalší rok už podujatie prebrala organizácia E@I (Peťo Baláž je jej koordinátorom), názov sa zmenil na Somera Esperanto-Studado a stal sa fyzickým stretnutím užívateľov a tvorcov výukovej stránky www.lernu.net.”.