Borský Mikuláš
Bazaj informoj redakti
Borský Mikuláš, hungare Búrszentmiklós, germane Bur-Sankt-Niklas estas vilaĝo en Slovakio, en Regiono Trnava, en Distrikto Senica. Ankaŭ Borský Peter apartenas al la municipo, jam kontaktiĝanta.
- Areo: 50 km²
- Supermara alteco: 198 m
- Loĝantaro: 3870
- Poŝtkodo: 908 77
- Aŭtokodo: SE
- Telefonprefikso: 34
Situo redakti
Borský Mikuláš situas en valo de rojo, laŭ flankovojoj, laŭ fervojo Kúty-Senica.
Historio redakti
La unua mencio devenis el 1394 en formo Zenthmiklos. En la 16-a jarcento potistoj alvenis. La turkoj kelkfoje rabadis en la vilaĝo, sed suferoj okazis ankaŭ dum liberecbatalo de Francisko Rákóczi la 2-a. En 1831 pro ĥolero 290 da homoj mortis. En 1910 loĝis en Búrszentmiklós 2911 da homoj (plejparte slovakoj). Ĝis Traktato de Trianon la vilaĝo apartenis al Pozsony (reĝa departemento), al la distrikto de Malacka. Poste Borský Mikuláš iĝis parto de Ĉeĥoslovakio, fine de Slovakio. En 2001 loĝis en Borský Mikuláš 3803 da homoj (3766 slovakoj).
Vidindaĵoj redakti
- katolika preĝejo omaĝe al Sankta Nikolao
- kapelo omaĝe al Maria Magdalena de 1668
- naskiĝdomo de slovaka poeto Ján Hollý
Famulo redakti
- naskiĝis en 1785 Ján Hollý