Oojamazaki
La urbeto Oojamazaki (大山崎町, Hepburn: Ōyamazaki) estas urbeto en la gubernio Kioto en Japanio. Ĝi estas la plej malgranda urbeto en la gubernio Kioto laŭ grandeco de areo.
| Oojamazaki | |
|---|---|
| Japana nomo | 大山崎町 |
| Loko | |
| Lando | Japanio |
| Regiono | Kansajo (Kinki-regiono) |
| Gubernio | Gubernio Kioto |
| Subgubernio | Otokuni |
| Municipokodo | 26303-6 |
| Fizikaj karakteraĵoj | |
| Areo | 5.97 km² |
| Loĝantaro (1-a de septembro 2012) | |
| Tute | 15 023 |
| Simboloj | |
| Arbo | Akamacu (Pino) |
| Floro | Sakura (Sakuro) |
| Birdo | Uguisu (Japana ĉetio) |
| Urbetodomo de Oojamazaki | |
| Adreso | 〒618-8501 Natume 3, Enmyozi 
|
| Oficiala retpaĝo: http://www.town.oyamazaki.kyoto.jp/ | |
Historio redakti
Ekde antikveco Oojamazaki estas grava loko por transportado, ĉar ĝi situas kiel kunfluejo de tri grandaj riveroj Kacura (桂, Katsura), Uĵi (宇治, Uji), kaj Kizu (木津, Kizu). En Ŝintoa sanktejo Rikyuu-Haĉimanguu (離宮八幡宮, Rikyū Hachimangū) oni faris oleon unuafoje en Japanio. La plej fama historia afero estas Batalo de Jamazaki en 1582, kie Tojotomi Hidejoŝi (豊臣秀吉, Toyotomi Hideyoshi) venkis Akeĉi Micuhide-n (明智光秀, Akechi Mitsuhide), kaj poste Hidejoŝi fariĝis reganto de Japanio. Alia nomo de la batalo estas Batalo de Tennoo-zan (天王山, Tennō-zan), kiu estas monto kun alteco de nur 270 metroj. Oni diras, ke Tennoo-zan estas la simbolo de Oojamazaki.
Transportado redakti
Fervojo redakti
La urbeto havas du fervojajn staciojn, kaj eĉ Ŝinkanseno kuras en Oojamazaki.
| Kompanio | Linio | Stacio |
|---|---|---|
| Okcidenta-Japania Fervoja Kompanio (JR西日本) | Kiota linio | Jamazaki (山崎, Yamazaki) |
| Fervoja Kompanio Hankjuu (阪急, Hankyu) | Kiota linio | Oojamazaki (大山崎, Ōyamazaki) |
Aŭtomobila trafiko redakti
La Vojkruciĝo Oojamazaki (Ōyamazaki) de la aŭtovojo Meiŝin (名神, Meishin), kie la pretervojo Keiĵi (京滋, Keiji) kunfandiĝias al la aŭtovojo Meiŝin, situas en la urbeto. La naciaj ŝoseoj 171-a kaj 478-a ankaŭ havas alirojn al la urbeto.