Klasigo de steloj

HR

Spektroklaso

Brunaj nanoj

Blankaj nanoj

Ruĝaj nanoj

Subnanoj

Nanoj

Ĉefa

sekvenco

Subgigantoj

Gigantoj

Helaj gigantoj

Supergigantoj

Hipergigantoj

Absoluta

magnitudo

(M_V)

Steloj estas klasigataj ĉefe laŭ sia spektro kaj amplekso.

Spektroklaso

Spektroklaso estas klaso de stelo laŭ la spektra klasigo. Pli simple spektroklaso priskribas koloron de stelo.

Spektraj klasoj de la plej ofte uzata klasigo estas

O B A F G K M.

Ĉiu el ili estas disdividita je 10 subklasoj ekde 0 ĝis 9, do ili kune estas vico

O0 O1 ... O8 O9 B0 B1 ... B8 B9 A0 ... ... ... M8 M9

Klaso	Temperaturo	Koloro	Maso M⊙	Radiuso R⊙	Lumigo L⊙	Hidrogenaj linioj
O	30000 – 60000 K	Blua	60	15	1400000	Malfortaj
B	10000 – 30000 K	Blua - blanka	18	7	20000	Mezfortaj
A	7500 – 10000 K	Blanka	3,1	2,1	80	Fortaj
F	6000 – 7500 K	Flava - blanka	1,7	1,3	6	Mezfortaj
G	5000 – 6000 K	Flava	1,1	1,1	1,2	Malfortaj
K	3500 – 5000 K	Oranĝkolora	0,8	0,9	0,4	Ege malfortaj
M	2000 – 3500 K	Ruĝa	0,3	0,4	0,04	Ege malfortaj

Steloj de diversaj klasoj de la ĉefa sekvenco

Diagramo de Hertzsprung-Russell (spektroklaso - lumigo): ĉi tie absoluta magnitudo laŭ ondolongo de B (442 nm) al V (540 nm)

Lumeco

Diagramo de Hertzsprung-Russell (spektroklaso - lumigo). Suno aperas kun lumeco 1 (absoluta magnitudo 4,8) kaj B-V koloro 0,66 (temperaturo 5 780 K, spektroklaso G2V).

Ankaŭ estas divigo de steloj laŭ klaso de lumeco - klasifiko de steloj en dudimensia spektra klasifiko, dependanta de ilia lumeco (aŭ absoluta magnitudo) kaj spektra klaso:

• I - Supergigantoj; oni distingas kelkajn grupojn:
  • 0, Ia-0 aŭ Ia⁺ - Hipergigantoj aŭ helegaj supergigantoj;
  • Ia - Helaj supergigantoj;
  • Iab - Normalaj supergigantoj;
  • Ib - Supergigantoj kun malalta lumeco;
• II - Helaj gigantoj;
• III - Gigantoj;
• IV - Subgigantoj;
• V - Nanoj de ĉefa sekvenco;
• VI - Subnanoj;
• VII - Blankaj nanoj;
• VIII - malofre estas distingataj kernoj de planedumaj nebulozoj, evoluantaj al blankaj nanoj.

En komplikaj okazoj oni uzas kombinaĵojn, ekzemple, IV/V.

Ampleksa klaso estas skribata per romiaj ciferoj kaj post la spektroklaso. Ekzemplo de la plena skribo: "A2V", kie "A2" estas spektroklaso kaj "V" estas amplekso.