Třebosice

Municipo Třebosice situas en Ĉeĥio, regiono Pardubice, distrikto Pardubice, en ebenaĵo ĉe la rivero Elbo, 7 km sudokcidente de la urbo Pardubice. Tute proksime malantaŭ la vilaĝo estas armea kaj civila flughaveno Pardubice. Vivas ĉi tie 256 loĝantoj (2024).

Třebosice
municipo
Preĝejo de Avanco de sankta Kruco
Flago Blazono
Oficiala nomo: Třebosice
Ŝtato	Ĉeĥio
Regiono	Regiono Pardubice
Distrikto	Distrikto Pardubice
Administra municipo	Pardubice
Historia regiono	Bohemio
Situo	Třebosice
- alteco	233 m s. m.
- koordinatoj	49° 59′ 50″ N 15° 44′ 06″ O (mapo)
Katastro	3,18 km² (318 ha) Třebosice
Loĝantaro	256 (2024)
Denseco	80,5 loĝ./km²
Tabulo	Orientelba tabulo
Unua skribmencio	1319
Horzono	MET (UTC+1)
- somera tempo	MET (UTC+2)
Poŝtkodo	530 02
NUTS 3	CZ053
NUTS 4	CZ0532
NUTS 5	CZ0532 572985
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Třebosice
Retpaĝo: www.trebosice.cz
Portalo pri Ĉeĥio

La najbaraj municipoj de la setlejo estas Dubany, Pardubice, Dřenice, Staré Jesenčany kaj Starý Mateřov.

Historio

Malgraŭ historiaj fontoj komencas aperigi atestojn pri Třebosice nur antaŭ la duono de 14-a jarcento, la unua skriba mencio pri ĝi devenas el la jaro 1319, la plej novaj arĥeologiaj esploroj pruvas, ke sporada prisetlado sur ĝia teritorio okazas jam de veno de slavaj gentoj, do en la 5-a ĝis la 7-a jarcentoj.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	259
1880	279
1890	312
1900	268
1910	284
1921	263

Jaro	Loĝantoj
1930	237
1950	180
1961	176
1970	142
1980	131
1991	115

Jaro	Loĝantoj
2001	152
2011	182
2014	204
2016	215
2017	227
2018	236

Jaro	Loĝantoj
2019	243
2020	250
2021	272
2022	243
2023	256
2024	256

Vidindaĵoj

Malgraŭ Třebosice estas relative malgranda vilaĝo, per sia historio, kaj ankaŭ per sia nuntempa vivo, ĝi viciĝas inter tiuj pli rimarkindaj. Ĉiun vizitanton allogos unika vido al vilaĝplaco pavimita en historia stilo per neĉarpentitaj ŝtonoj, borderita per maljunaj tilioj, kaj kun statuo de Sankta Johano Nepomuka el la jaro 1869 kaj kuliso de ekleziaj konstruaĵoj - preĝejo, paroĥdomo, kaj ĉi tiea konata kampanilo.

Memorindaĵoj

Preĝejo de Avanco de sankta Kruco

Frugotika preĝejo, atestita en la jaro 1349 kiel paroĥa, aranĝita baroke en la 1-a duono de 18-a jarcento (la navo kaj okcidenta fasado). La preĝejo estas ununava kun trilatere fermita presbiterejo, kun sakristio sur norda flanko kaj antaŭĉambroj sur okcidenta kaj norda flankoj de la navo. La presbiterejo kaj sakristio estas subtenataj per pilieroj. la presbiterejo estas volbita per kruca kaj sakristio per barela volboj. La navo estas platplafona. Sur suda nava flanko estas pintarka portalo. La okcidentan fasadon superas voluta frontono kaj dividas ĝin pilastroj. Fenestroj de la presbiterejo estas pintarkaj, fenestroj de la navo estas volbitaj per cirklaj arkoj. En presbiterejo estas gotikaj murpentraĵoj el la 2-a duono de 14-a jarcento, malkovritaj en la jaro 1951.

La ĉefaltaro estas el duono de la 18-a jarcento, rokoka kun riĉa figura ornamo kaj bildo de Sankta Kruco de la pentristo Kostenč el Pardubice. El la sama tempo estas la predikejo kun figuraj reliefoj kaj la baptujo kun statuaro de bapto en Jordano. Tomboŝtono estas el la jaro 1599.

Kampanilo

Apud la preĝejo estas ligna oklatera baroka kampanilo.

Bibliografio

• Marek Podhorský: Pardubický kraj. Eldonis freytag & berndt, eldonejo en Prago en 2004.
• Dr. E. Poche, DrSc. a kol. – Umělecké památky Čech. Eldonis Akademia en Prago en 1978.

Eksteraj ligiloj

• Paĝoj de mikroregiono Malantaŭ la flughaveno ĉeĥe
• Mapo
• Paĝaro de biciklovojo Arkivigite je 2016-03-14 per la retarkivo Wayback Machine ĉeĥe