Tunbridge Wells, ekde la jaro 1909 oficiale Royal Tunbridge Wells, estas urbo en la pleja okcidento de la graflando Kent de Anglio. Ĝi estas konata kiel banurbo, kiu ŝuldas sian ekziston al la malkovro de fero-enhavantaj fontoj. Pro la alta renomo de sanigaj fontoj en la 17-a kaj 18-a jarcentoj, la urbo iĝis centro de altiro de riĉuloj el la proksima ĉefurbo Londono. La kulminon kiel kuraca feriejo la urbo spertis meze de la 18-a jarcento. En 1909 la brita reĝo Eduardo la 7-a al la ubo donis la titolon "Royal" ["reĝa"]. En la urbo vivas ĉirkaŭ 45 000 loĝantoj, kaj ĝi estas la centro de la samnoma distrikto Tunbridge Wells Borough. La tuta distrikto havas ĉirkaŭ 100 000 loĝantojn.
Vikimedia Komunejo Royal Tunbridge Wells [+]
