Valenurbo

Valenurbo kun germana nomo Walenstadt estas urbeto en la elektodistrikto Sarganslando, Kantono Sankt-Galo, Svislando. La urbeto havis 4892 loĝantojn je la 31-a de decembro 2007.

Valenurbo Walenstadt
Blazono de Valenurbo
Pacmemorejo de Karl Bickel
komunumo en Svislando
Kantono	Sankt-Galo
Distrikto	Elektodistrikto Sarganslando
Koordinatoj	47° 6′ 0″ N 9° 19′ 0″ O (mapo)
Nombro de loĝantoj	4892
Areo	45,81 km²
Alteco	425 m super marnivelo
Poŝtkodo	8880
Komunumkodo	{{{kodo}}}
Mapo de Valenurbo

Geografio

Valenurbo troviĝas en la suda parto de la Kantono Sankt-Galo je la orienta bordo de la Valenlago, de kiu ĝi ricevis la nomon. Ĝi situas je la piedo de la kruta deklivo de la Churfirsten. La koordinatioj de Valenurbo estas 47° 6' N kaj 9° 19' E. Ĝi situas je 425 m super la marnivelo.

Najbaraj komunumoj

La komunumo Valenurbo limas en nordo al Wildhaus-Malnov-Sankt-Johano.

Historio

La unua nomo de Valenurbo estis Ripa Vualastad (Ripa signifas en la romanca lingvo bordo). Ĝia unua skriba mencio datiĝas de la jaro 831 post kristo en bienlisto de la franka reĝo Ludoviko la Pia. Iam tra Valenurbo pasis romia strato. De la romia epoko ĝis mezepoko en Valenurbo finis la akvostrato de la Rejno tra Limato, Zuriko, Lago de Zuriko kaj Valenlago kaj komenciĝis la strato tra la montpasejo San Bernardino al Italio. Kiu kontrolis Valenurbon fakte kontrolis unu el la ĉefaj trafikvojoj inter nordo kaj sudo de Eŭropo. Tial la Grafoj de Kiburgo alproprigis al si valenurbo en la 12-a jarcento. Inter 1240 kaj 1260 ili konstruis urbajn murojn ĉirkaŭ Valenurbo. En la jaro 1271 Rudolfo la 1-a de Habsburgo heredis la urbon de la Kiburganoj.

La Pacmemorejo de Karl Bickel

Nepre vidinda en Valenurbo estas la Pacmemorejo konstruita de la fama artisto Karl Bickel. Ĝi estis konstruita en la jaroj 1924 ĝis 1949. Bickel dum multaj jaroj kunlaboris kun la poŝtmarkeldonejo de la Svisa Poŝto kaj tial por esprimi sian dankon donacis la Pacmemorejon al la Svisa Poŝtadminstracio. La memorejo troviĝas je alteco de 1300 m super la marnivelo en la urboparto Walenstadtberg.

Trafiko kaj ekonomio

Valenurbo estas bone konektita al la aŭtoŝoseo A3 de Zuriko al Koiro kaj disponas ankaŭ pri bone funkcianta busreto kaj estas ŝiplinio, kiu konektas la urbon kun la aliaj komunumoj ĉirkaŭ la Valenlago.

Valenurbo vivas unuflanke de turismo, aliflanke en Valenurbo troviĝas grava infanteria armilplaco de la Svisa Armeo, kiu estas unu el la ĉefaj dungantoj en Valenurbo.

Monda naturheredaĵo

Valenurbo apartenas al la Svisa Tektonika Areno Sardona, regiono kiu estis la 7-an de julio 2008 akceptita kiel Monda Naturheredaĵo de UNESKO.

Galerio

• 
  Valenurbo je 1780
• 
  Valenurbo je 1800
• 
  Valenurbo je 1840

Vidu ankă

• Walenstadt (stacidomo)

Eksteraj ligiloj

• Oficiala retejo de la komunumo Valenurbo
• Retejo de la Municipo Valenurbo Arkivigite je 2013-06-19 per la retarkivo Wayback Machine