Verda Listo de Kroatio
La partio Verda Listo de Kroatio - kroate Zelena Lista - estas nacia ekologia-alternativa politika partio en Kroatio. Ĝi fondiĝis dum la jaro 2005, unue sub la nomo "Verduloj por Zagrebo" (Zeleni za Zagreb). Sur eŭropa nivelo, la partio ekde 2006 estas observanta membro de la transnacia Eŭropa Verda Partio.
| Verda Listo | |
|---|---|
| Zelena Lista | |
| |
| politika partio en Kroatio | |
| Lando |  Kroatio
|
| Estro | Vlasta Toth kaj Dragutin Ribarić (virina kaj vira prezidantoj) |
| Fondiĝo | 2005 |
| Lingvo(j) | Kroata |
| Ĉefa sidejo | ul. Grada Vukovara 239 A, 10000 Zagrebo |
| Ideologio | Verda politiko |
| Retejo | www |
Krom subteni ekologian politikon, la partio forte subtenas egalajn rajtojn por virinoj kaj viroj, maldiskrimacion de samseksemuloj kaj malapogon de ebla estonta membreco de Kroatio en la armea alianco NATO.
Dum la parlamentaj balotoj de 2007, kiun la partio unuafoje partoprenis, ĝi ja pledis por tradicie ekologiaj temoj kiaj la pli forta utiligo de sunenergio, sed krome estis la historie unua partio de la lando kiu kolektis voĉojn per malferma batalo por la rajtoj de gejoj kaj lesbaninoj.
Eksteraj ligiloj redakti
- kroate oficialaj paĝoj de la partio Arkivigite je 2007-10-21 per la retarkivo Wayback Machine
- angle bazaj informoj pri la partio sur la paĝaro de la Eŭropa Verda Partio Arkivigite je 2007-12-14 per la retarkivo Wayback Machine
