Schwende AI
Schwende estas distrikto respektive komunumo en Kantono Apencelo Interna, Svislando. Ĝi havis 2104 loĝantojn je la 31-a de decembro 2008.
| Schwende | |
|---|---|
 | |
 | |
| distrikto de Svisio • komunumo en Svislando | |
| Kantono | Apencelo Interna |
| Distrikto | En Kantono Apencelo Interna la komunumoj oficiale nomiĝas distriktoj |
| Koordinatoj | 47° 18′ 0″ N 9° 26′ 8″ O / 47.30000 °N, 9.43556 °O (mapo)Koordinatoj: 47° 18′ 0″ N 9° 26′ 8″ O / 47.30000 °N, 9.43556 °O (mapo) |
| Nombro de loĝantoj | 2104 |
| Areo | 57,5 km² |
| Alteco | 838 m super marnivelo |
| Poŝtkodo | 9057 |
| Komunumkodo | 3105 |
 | |
Geografio redakti
Schwende situas norde kaj oriente de la monto Säntis, kies kulmino kun alteco de 2502, kiu situas sur la komunuma limo kun Wildhaus-Malnov-Sankt-Johano, estas la plej alta punkto de la komunumo kaj la tuta kantono. Al la komunumo apartenas la vilaĝoj Schwende, Wasserauen, kaj partoj de la vilaĝoj Weissbad kaj Apencelo. Sur la teritorio de la komunumo ankaŭ situas la montarlageto Seealpsee.
Najbaraj komunumoj redakti
La distrikto kaj komunumo Schwende limas en nordo al Apencelo, en oriento kaj sudo al Rüte, en sudokcidento al Wildhaus-Malnov-Sankt-Johano, en okcidento al Hundwil, kaj en nordokcidento al Gonten.
Trafiko redakti
Schwenden atingeblas per la etŝpura trajnlinio de la Apencelaj Fervojoj, kiu finiĝas malantaŭe en la valo en Wasserauen. De Wasserauen aertelfero kondukas al Ebenalp, de kie somere en bela piedmarŝo atingeblas relative facile la kulmino de Säntis.
Historio redakti
En la kavernoj Wildkirchli apud Ebenalp estis trovitaj ŝtonaj iloj de neandertaloj el la paleolitiko, kiuj pruvas, ke jam antaŭ jarmiloj en Schwende vivis homoj.
Apud la preĝejo de Schwende situis en mezepoko turo, kiu supozeble estis la sidejo de la Senjoroj de Doppelstein, ministranoj de la Abato de Sankt-Galo. Laŭ la legendo la civitanoj de Schwende detruis la turon, kiu kaŭzis la Apencelajn Militojn.
La disktrikto-komunumo estis fondita en la jaro 1873 el la samnoma rodo, kiu estisĝis supozeble inter 1204 kaj 1220. [1]
Referencoj redakti
Vidu ankaŭ redakti
Eksteraj ligiloj redakti
- Paĝo pri Schwende en la retjeo de la kantono Arkivigite je 2011-08-31 per la retarkivo Wayback Machine
- Schwende en la Historia Leksikono de Svislando