Malfermi la ĉefan menuon

Pri la komunumoRedakti

Hundwil estas komunumo en Kantono Apencelo Ekstera, Svislando. Ĝi havis 983 loĝantojn je la 31-a de decembro 2008.

GeografioRedakti

Hundwil situas sude la la monto Säntis, kies kulminan punkton je 2502 m s.m. ĝi dividas kun la komunumoj Schwende Kantono Apencelo Interna kaj Wildhaus (Kantono Sankt-Galo).

Najbaraj komunumojRedakti

La komunumo Hundwil limas en nordo al Herisau kaj Stein, en oriento al Schlatt-Haslen, Gonten kaj Schwende (ĉiuj tri en Kantono Apencelo Interna), en sudo al Wildhaus kaj Nesslau-Krummenau (ambaŭ en Kantono Sankt-Galo), kaj en okcidento al Urnäsch kaj Waldstatt.

TrafikoRedakti

 
Valhaltejo de la Aertelfero Schwägalp-Säntis vidita de la aertelfero.

Hundwil atingeblas per diversaj poŝtaŭtolinioj ek de Appenzell, Herisau kaj Sankt-Galo.

La pasaltejo Schwägalp, kiu ankaŭ apartenas al la komunumo, ne rekte de Hundwil sed nur tra UrnäschNesslaŭ atingeblas per poŝtaŭto.

Sur la montpasejo Schwägalp en la komunumo Hundwil situas la vala haltejo de la Aertelfero Schwägalp-Säntis. Ankaŭ ties monta haltejo situas sur la teritorio de la komunumo. La aertelfero estis konstruita inter 1933 kaj 1935, post kiam projekto konstrui dentoradfervojon ek de Wasserauen fiaskis.

HistorioRedakti

La unua dokumenta mencio de Hundwil datiĝas el la jaro 921 kiel Huntwilare.

Dum mezepoko Hundwil kun la escepto de Schwägalp apartenis al la posedaĵoj de la Princabatejo Sankt-Galo. En la jaro 1367 Hundwil alianciĝis kun Apencelo por defendi sin kontraŭ la postuloj de la princabatejo. Dum la Apencelaj Militoj de 1401 ĝis 1429, la hundvilanoj kune kun la civitanoj de Urnäsch estis la ĉefaj agantoj.

Ek de 1607 Hundwil regule estis la kunsidejo de la malgranda kaj la granda konsilio kaj krom Trogen la dua kunvenloko de la Landkomunumo.

Ĝis ĝia malfondo en la jaro 1997 ĉiun trian jaron en Hundwil kunvenis la landkomunumo de Kantono Apencelo Ekstera.

Eksteraj ligilojRedakti

BildojRedakti