Urnäsch

Por samtitola artikolo vidu la paĝon Urnäsch (stacidomo).

Urnäsch
Blazono de Urnäsch
Urnäsch
komunumo en Svislando
Kantono	Apencelo Ekstera
Distrikto	Ek de 1995 oficiale ne plu ekzistas distriktoj en Kantono Apencelo Ekstera, antaŭe Urnäsch apartens al la distrikto Hinterland.
Koordinatoj	47° 19′ 6″ N 9° 17′ 19″ O (mapo)
Nombro de loĝantoj	2259
Areo	48,23 km²
Alteco	826 m super marnivelo
Poŝtkodo	9107
Komunumkodo	{{{kodo}}}
Mapo de Urnäsch

Pri la komunumo

Urnäsch estas komunumo en Kantono Apencelo Ekstera, Svislando. Ĝi havis 2259 loĝantojn je la 31-a de decembro 2008.

Geografio

Urnäsch estas kun areo de 48,23 km² laŭ teritorio la plej granda komunumo de la kantono Apencelo Ekstera. La komunumo situas inter Apencelo kaj Herisau ĉe la bordo de la samnoma rivereto. Al la komunumo apartenas multnombraj malgrandaj setlejoj kaj vilaĝetoj, el inter kiuj Grünau, Schönau, Färchen kaj Zürchersmühle.

Najbaraj komunumoj

Urnäsch limas en nordo al Waldstatt, en oriento al Hundwil, en sudo al Nesslau-Krummenau (SG), en sudokcidento al Hemberg (SG), en okcidento al Schönengrund, kaj en nordokcidento al Schwellbrunn.

Trafiko

Stacidomo de Urnäsch

Urnäsch disponas pri stacidomo de la mallarĝŝpura trama trajnlinio de la Apencelaj Fervojoj de Sankt-Galo al Apencelo. Poŝtaŭtolinio kondukas de Urnäsch tra Schwägalp al Nesslau. Alia poŝtaŭtolinio kondukas orienten al Hemberg. Sur Schwägalp situas tamen sur teritorio de la najbara komunumo Hundwil la vala haltejo de la Säntis-Aertelfero.

En Urnäsch estas la orienta elirpunkto de la pasejvojo tra Schwägalp al Malnov-Sankt-Johano en Togenburgo, nome la kantona ĉefvojo 462, kaj tra ĝi pasas ankaŭ la kantona ĉefvojo 448 al Apencelo.

Historio

Unua dokumenta mencio de la rivero Urnäsch datiĝas jam el la 9-a jarcento kiel Urnasca. La setlejo Färchen estis menciita la unuan fojon jam en la jaro 831 en donacodokumento kiel Farrichun. Dum mezepoko Urnäsch estis unue parto de la distrikto Herisau kaj poste de la distrikto Hundwil. En la jaro 1417 Urnäsch fariĝis memstara komunumo post la konstruo de la preĝejo en la jaro 1414. En la jaro 1525 Urnäsch aliĝis al la reformacio, kaj tial dum la landa divido en la jaro 1597 fariĝis parto de Apencelo Ekstera.

Vidu ankaŭ

• Urnäsch (stacidomo)
• Zürchersmühle (stacidomo)

Eksteraj ligiloj

• Oficiala retejo de Urnäsch

•  Vidu ankaŭ en la Vikimedia Komunejo la kategorion Urnäsch – (Kolekto de bildoj kaj plurmediaj dosieroj)