Malfermi la ĉefan menuon

Wetzikon

industria urbo, Svislando

Pri la komunumoRedakti

Wetzikon estas industria urbo en la distrikto Hinwil, Kantono Zuriko, Svislando. Ĝi havis 20'542 loĝantojn je la 31-a de decembro 2007. Wetzikon estas unu el la plej rapide kreskantaj urboj en la kantono. Dum la pasinta jaro ĝia loĝantaro altiĝis je pli ol 3%.

GeografioRedakti

Wetzikon situas en la Zurika Oberlando inter Uster kaj Rapperswil ĉe la piedo de la monto Bachtel. Ĉe la norda pinto de la urba teritorio troviĝas la Lago de Pfäffikon. Tra Wetzikon fluas la riveretoj Wildbach, kiu fontas en Hinwil, kaj Aa, kiu elfluas el la lago de Pfäffikon. La lasta faras kurbon sur la urba teritorio, kaj en la plej orienta punkto de la kurbo alfluas al ĝi Wildbach. Poste ĝi fluas tra Seegräben al la lago Greifensee.

Al la urbo kaj komunumo Wetzikon apartenas la municipoj Robenhausen, Kempten, Oberwetzikon, Unterwetzikon, Ettenhausen kaj Medikon.

TrafikoRedakti

Wetzikon troviĝas sur la trajnlinio de Uster al Rapperswil kaj estas bone konektita per trajnoj kaj aŭtobusoj al la reto de la Zurika Trafik-Unio.

Kantona lernejoRedakti

En Wetzikon situas kantona gimnazio, nome la Kantona Lernejo Zurika Oberlando (germane Kantonsschule Zürcher Oberland). Ĝi estis malfermita en la jaro 1955 kiel unua kampara mezlernejo de Kantono Zuriko. Ĝin vizitas hodiau 1200 lernantoj.

HistorioRedakti

Unua dokumenta mencio de Wetzikon datiĝas el la jaro 1044 kiel Wenzinchofa.

Eksteraj ligilojRedakti