Yoan Rodríguez Martínez
Kuba psikologo kaj esperantisto
Yoan Michel RODRÍGUEZ MARTÍNEZ (naskiĝis la 17-an de oktobro 1989 en San Juan y Martínez, Pinar del Río) estas kuba psikologo kaj esperantisto. Li eklernis esperanton en 2010, partoprenis en pluraj naciaj kaj internaciaj aranĝoj kiel KERo, JuSKA, 9-a TAKE, Zamenhofaj Metiejoj ka., organizis kursojn kaj estis komitatano de Kuba Esperanto-Asocio (KEA) kaj Kuba Esperantista Junulara Organizo (KEJO) en Pinar del Río. Yoan estas estrarano de KEJO kaj organizanto de pluraj junularaj kongresoj. Li estas aktiva filatelisto, organizis ekspozicion dum la 9-a TAKE en la Filatela Muzeo de Kubo, ankaŭ aktivas kiel volontulo de la Ruĝa Kruco de Kubo kaj ĉe la ekologistoj de KEA en la grupo KoNoA.
| Yoan Rodríguez Martínez | |
|---|---|
| Persona informo | |
| Naskiĝo | 17-an de oktobro 1989 (34-jaraĝa) en San Juan y Martínez |
| Lingvoj | hispana • Esperanto |
| Ŝtataneco | Kubo |
| Okupo | |
| Okupo | psikologo • esperantisto |
