Aŭstralia akcipitro

La Aŭstralia akcipitro aŭ Bruna akcipitro (Accipiter fasciatus) estas mezgranda taga rabobirdo el familio de Akcipitredoj kiu inkludas ankaŭ multajn aliajn tagajn rabobirdojn kiel agloj, buteoj kaj cirkuoj. Ĝi troviĝas en Aŭstralio kaj ĉirkaŭaj insuloj.

Kiel legi la taksonomion Aŭstralia akcipitro
Aŭstralia akcipitro
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Akcipitroformaj Accipitriformes Familio: Akcipitredoj Accipitridae Genro: Accipiter Specio: A. fasciatus
Dunomo
Accipiter fasciatus (Vigors kaj Horsfield, 1827)
Konserva statuso
Konserva statuso: Malplej zorgiga
Aliaj Vikimediaj projektoj

Nematurulo de Aŭstralia akcipitro fluge en Tasmanio, Aŭstralio

Aspekto

Ties supraj partoj estas grizaj kun bruna kolumo; ties subaj partoj estas ĉefe ruĝecbrunaj, fajne striecaj blanke. Tiele ĝi havas similan koloron al la Kolumakcipitro sed ĝi estas pli granda. La flugo estas rapida kaj fleksebla. La korpolongo estas 40-55 cm; la enverguro estas de 75-95 cm. Inoj estas klare pli grandaj: masklaj plenkreskuloj pezas 220 g, kaj inaj 355 g.

Distribuado kaj habitato

La Aŭstralia akcipitro estas disvastigata tra Aŭstralio, Tasmanio, Wallacea, Novgvineo, Nov-Kaledonio, Vanuatuo kaj Fiĝio. Ĝi troviĝas en arbaroj.

Manĝo

Ili manĝas ĉefe birdojn; ankaŭ malgrandajn mamulojn, reptiliojn, amfibiojn; foje insektojn.

Reproduktado

Ili nestumas en altaj arboj en platformo el bastonetoj kovrita el verdaj folioj. La ino demetas kutime tri ovojn, foje 2 aŭ 4. La kovada periodo estas de ĉirkaŭ 30 tagoj, kaj elnestiĝo okzas ĉirkaŭ 31 tagojn post eloviĝo.

Subspecioj

Estas 12 priskribitaj subspecioj nome:

• A. f. fasciatus (nomiga) - (Vigors kaj Horsfield, 1827)
• A. f. buruensis - Stresemann, 1914
• A. f. didimus - (Mathews, 1912)
• A. f. dogwa - Rand, 1941
• A. f. helmayri - Stresemann, 1922
• A. f. natalis - (Lister, 1889)
• A. f. polycryptus - Rothschild kaj Hartert, 1915
• A. f. savu - Mayr, 1941
• A. f. stresemanni - Rensch, 1931
• A. f. tjendanae - Stresemann, 1925
• A. f. vigilax - (Wetmore, 1926)
• A. f. wallacii - (Sharpe, 1874)

Referencoj

• BirdLife International. (2006). Species factsheet: Accipiter fasciatus. Downloaded from http://www.birdlife.org on 9/12/2006
• (1993) Handbook of Australian, New Zealand and Antarctic Birds Vol. 2: Raptors to Lapwings'. Melbourne: Oxford University Press. ISBN 0195530691.