Antonina Żabińska
Antonina Maria Żabińska, el domo Erdman (naskiĝis la 18-an de julio 1908 en Peterburgo, mortis la 19-an de marto 1971 en Varsovio) – pola verkistino, per sia edzo Jan Żabiński ligita kun Varsovia Bestoĝardeno, justulino inter la popoloj.
| Antonina Żabińska | |||||
|---|---|---|---|---|---|
| Persona informo | |||||
| Naskiĝo | 18-an de julio 1908 en Sankt-Peterburgo | ||||
| Morto | 19-an de marto 1971 (62-jaraĝa) en Varsovio | ||||
| Tombo | Tombejo Powązki en Varsovio vd | ||||
| Religio | Katolika Latina Eklezio vd | ||||
| Lingvoj | pola vd | ||||
| Ŝtataneco | Rusia Imperio • Dua Pola Respubliko • Ĉefgubernio • Pola Popola Respubliko vd | ||||
| Familio | |||||
| Edz(in)o | Jan Żabiński vd | ||||
| Profesio | |||||
| Okupo | verkisto • rezistobatalanto vd | ||||
| |||||
| vd | Fonto: Vikidatumoj | ||||
Vivo redakti
Ŝi debutis per la rakonto Pamiętnik żyrafy (Memorlibro de ĝirafo) en la revuo "Moje pisemko" (Mia revueto) (1934), en 1936 publikigis Jak białowieskie rysice zostały Warszawiankami (Kiel linkinoj el Białowieża iĝis varsovianinoj) - kiel la unu volumo de la serio Opowieści przyrodnicze (Rakontoj pri la naturo)). En 1939 aperis ŝia libro Dżolly i S-ka (Ĝolli kaj la kompanio), kiu havis multajn postmilitajn eldonojn, kun la subtitolo El historio de la Varsovia Bestoĝardeno.
Dum la dua mondmilito kune kun la edzo kaŝis sur teritorio de malplenigitaj ejoj de la ĝardeno judojn, interalie forkurintojn de la Varsovia geto. En 1965 ricevis kun li la titolon Justulino inter la popoloj.
Post la milito publikigis por pli junaj legantoj la volumojn Rysice (Linkinoj) (1948) kaj Borsunio (Melĉjo) (1964). En 1968 eldonis rememorojn Ludzie i zwierzęta (Homoj kaj bestoj), en kiu prezentis interalie sian agadon sub la germana okupado. En 1970 aperis ŝia lasta libro Nasz dom w ZOO (Nia domo en la Bestoĝardeno) dediĉita al la varsovia ĝardeno.
Ŝi estis entombigita en Tombejo Powązki en Varsovio.
Memorigo redakti
En 2007 Diane Ackerman, utiligante ŝiajn rememorojn Homoj kaj la bestoj, faris el ŝi heroinon de sia libro The Zookeeper's Wife (la pola eldono Azyl. Opowieść o Żydach ukrywanych w warszawskim ZOO (Azilo. Rakonto pri judoj kaŝitaj en la Varsovia Bestoĝardeno) (2009). La libro estis filmigita en 2017, en la filmo kiel Antonina Żabińska ludis Jessica Chastain.
En 2008 estis postmorte distingita per Komandora Kruco de la Ordeno Polonia Restituta.
Bibliografio redakti
- Rocznik literacki (Literatura jarlibro) 1971, PIW, Warszawa 1973 (kun la biografio, p. 652-653)
Eksteraj ligiloj redakti
- Rodzina Żabińskich sprawiedliwi.org.pl