Malfermi la ĉefan menuon

Antonina Makarova, ekde edziniĝo Ginzburg (ruse: Антонина Макаровна Макарова;, naskiĝis en 1920 aŭ 1921 en vilaĝo Malaja Volkovka en Smolensk-gubernio, ekzekutita la 11-an de aŭgusto 1979) - soveta malsanulistino kaj pafistino de maŝinpafilo, volontulino de Rusa Liberiga Popol-Armeo, kaj poste de Sturma Brigado de SS "RONA", fifamiĝinta pro amasa ekzekuto de malamikoj.

Antonina Makarova
Persona informo
Naskonomo Антонина Макаровна Парфёнова
Naskiĝo 1-an de marto 1920 (1920-03-01)
en Flag of the Russian Soviet Federative Socialist Republic (1918–1937).svg Rusio
Morto 11-an de aŭgusto 1979 (1979-08-11) (59-jara)
en Brjansk, Flag of the Soviet Union.svg Sovetunio
Mortokialo pafekzekutado
Ŝtataneco Russian Soviet Federative Socialist Republic • Sovetunio • Lokot Autonomy
Profesio
Profesio ekzekutisto
v  d  r
Information icon.svg

Ŝi finis mezlernejon en Moskvo. Post germana invado en Sovetunion la 22-an de junio 1941 estis mobilizita al Ruĝa Armeo kiel sanitaristino. Trapasis kurson pri maŝinpafiloj. Dum bataloj en Belorusio oktobre iris al germana mallibero. En militkaptitejo ligis kunlaboron kun germanoj. Fine de 1941 estis veturigita al Brjanska provinco, kie eniris al popola milico, formigita de Konstantin Voskobojnik kaj Bronisław Kaminski. Ŝi priservis pezan mitralon Maxim, de kie ricevis moknomon "Tonjka-Pulemjotĉica". Ŝi plenumis mortpunojn kontraŭ komunistoj kaj kaptitaj sovetaj partizanoj kaj ruĝarmeanoj. Laŭ postmilitaj oficialaj sovetaj donitaĵoj ŝi murdis propramane ĉ. 1,5 mil personojn. Post eniro de Ruĝa Armeo ŝi estis evakuita por kuraci sin en Brjansk, kaj fine de 1943 al Lepel (Vicebska regiono). Post transformiĝo de RONA al Sturma Brigado fine de julio 1944 ŝi eniris ĝin, sed baldaŭ estis arestita de germanoj kaj ektroviĝis en koncentrejo. Fine de la dua mondmilito kune kun aliaj enprizonigitoj evakuiĝis al ĉeĥaj teritorioj, kie ŝin liberigis sovetaj soldatoj. Post fino de la milito ŝi sukcesis kaŝi sian veran identecon akirinte dokumentojn kun la nomo Parfjonova atestantajn ŝian partoprenon en la granda patriota milito kiel malsanulistino de la 422-a Medicin-Sanitara Bataliono. Oni ŝin eĉ distingis per kelkaj ordenoj. Ŝi loĝis en Lepel en Belorusio. En 1977 ŝia frato provante akiri permeson forveturi eksterlanden malkaŝis verajn donitaĵojn de la fratino. Antonina Makarova estis tuj arestita. Ŝi ne konfirmis sian partoprenon en amasa pafmortigado. La 20-an de novembro 1978 ŝi estis kondamnita al mortpuno.

BibliografioRedakti

  • K. A. Zalesski, Кто был кто во второй мировой войне. Союзники Германии, Moskvo 2003.

Eksteraj ligilojRedakti