Nendaz
publikigita versio estis patrolita je 21 okt. 2023. Estas kontrolendaj ŝanĝoj de ŝablonoj/dosieroj.
Ŝanĝoj al ŝablonoj aŭ dosieroj en ĉi tiu versio estas kontrolendaj. La stabila versio estis patrolita je 21 okt. 2023.
Nendaz estas komunumo en la Distrikto Conthey en Kantono Valezo, Svislando. Ĝi havis 6025 loĝantojn je la 31-a de decembro 2011. Ĝia ĉefloko estas Haute-Nendaz.
| Nendaz | |
|---|---|
 | |
| Blazono de Nendaz | |
 | |
| Preĝejo de Haute-Nendaz | |
| komunumo en Svislando | |
| Kantono | Valezo |
| Distrikto | Conthey |
| Koordinatoj | 46° 11′ 13″ N 7° 18′ 18″ O / 46.18694 °N, 7.30500 °O (mapo)Koordinatoj: 46° 11′ 13″ N 7° 18′ 18″ O / 46.18694 °N, 7.30500 °O (mapo) |
| Nombro de loĝantoj | 6025 |
| Areo | 86,01 km² |
| Alteco | 1252 m super marnivelo |
| Poŝtkodo | 1997 |
| Komunumkodo | 6024 |
 | |
| Situa mapo de Nendaz | |
Geografio redakti
La komunumo Nendaz situas en la franclingva Suba Valezo. Ĝi etendiĝas de la bordo de la rivero Rodanoen nordo al la Tortin-Glaĉero kaj Mont-Fort-Glaĉero en sudo. En la suda parto de la komunumo situas la baraĵlago Lac de Cleuson. La komunumo Nendaz konsistas el 17 vilaĝoj, nome Aproz, Baar, Basse-Nendaz, Beuson, Bieudron, Brignon, Clèbes, Cor, Fey, Haute-Nendaz, Les Bioleys de Brignon, Les Condémines, Nendaz Station, Saclentse, Siviez, Sornard kaj Verrey.[1] [2]
La teritorio de la komunumo etendiĝas sur areo de 86,01 km², de kiuj 26,7% estas kovritaj de arbaro, 29,0% servas por agrikulturo kaj 5,0% por setlado. [3]
Najbaraj komunumoj redakti
La komunumo Nendaz limas en nordo al Chamoson, Ardon, Vétroz, Conthey, Siono kaj Veysonnaz, oriento al Les Agettes, Vex kaj Hérémence, en sudo al Bagnes, kaj en okcidento al Isérables kaj Riddes.
Trafiko redakti
Al Nendaz kondukas la kantona ĉefvojo n-ro 207 ek de Siono. La plej proksima alveturejo al la svisa aŭtovojo A9 estas Siono-Okcidento nordoriente de la komunumo. Pere de poŝtaŭtolinio de Siono al Haute Nendaz la komunumo estas konektita al la publika transportreto. De Nendaz Station kabintelfero kondukas al la turisma regiono sur la roko Tracouet je alteco de 2200 m s.m. sub la monto Dent de Nendaz.
Ekonomio redakti
Grava enspezofonto de la komunumo Nendaz estas la turismo. La komunumo apartenas al la skiregiono 4 Valoj, al kiu apartenas 400 skivojoj, 83 skiliftoj kaj telferoj kaj 50 kilometroj da kurskivojoj. Por la somera turismo ekzistas granda reto da migradopadoj. En la komunumo ekzistas du mineralakvofontoj, el kiuj estas enboteligita mineralakvo, nome la markoj Aproz, apartenanta al Migros, kaj Nendaz.
Historio redakti
La unua dokumenta mencio de Nendaz datiĝas el la jaro 984 kiel Nenda. En Nendaz estis trovitaj ŝtonkestotomboj el la neolitiko, bracletoj el la La-Tène-epoko kaj moneroj el Kartago. Dum mezepoko Nendaz apartenis al la Abatejo de Saint-Maurice. En la jaro 1261 la Grafo Petro la 2-a de Savojo konstruis burgon en Brignon kaj tie instalis subvokton. En la jaro 1266 li denove detruis la burgon kaj Nendaz refariĝis majorejo. En la jaro 1475 la Supraj Valezaj Dekonoj konkeris la lokon kaj submetis ĝin unue al la kamparvokto de la Suba Valezo kaj ek de 1536 ĝis 1593 al la vokto de Saint-Maurice. En la jaro 1665 Nendaz estis atribuita al la Grandmajorejo Hérémence, al kiu ĝi apartenis ĝis la Helveta Revolucio de 1798. De 1802 ĝis 18015 ĝi apartenis al la Dekono Siono, poste ĝis estis atribuita al la Dekono Conthey, kiu en 1848 estis transformita al la Distrikto Conthey.[4]
Notoj kaj referencoj redakti
- ↑ Reta mapo 1:20000 de Swisstopo[rompita ligilo]
- ↑ La vilaĝetoj de Nandaz en la retejo de la komunumo Nendaz[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Pierre Carruzzo: Nendaz en Historia Leksikono de Svislando (2009-07-15)
Eksteraj ligiloj redakti
- Vidu ankaŭ en la Vikimedia Komunejo la kategorion Nendaz – (Kolekto de bildoj kaj plurmediaj dosieroj)
Bildoj redakti
-
Kapelo Sankta Miĥaelo -
Lignaj domoj en Nendaz
