Arthur Allen Hoag
Arthur Allen Hoag (1921-1999) estis usona astronomo plej fama pro sia malkovro de la objekto de Hoag en 1950. Li estis la filo de la Lynne Arthur Hoag, membro en la medicinaj fakultatoj de la universitato Harvard, universitato Cornell kaj la universitato de Miĉigano en Ann Arbor, kaj de ties edzino Wylma Wood Hoag. Arthur Allen Hoag havis du fratinojn, Mary kaj Elizabeth, kaj filon nomatan Tom. Lia patrino kaj la 3-jaraĝa fratino Mary mortis la 1-an de junio 1926 en pasaĝera ŝipo kiu havariis en la rivero Hudsono inter Novjorko kaj Nov-Ĵerzejo.
| Arthur Allen Hoag | |
|---|---|
| Persona informo | |
| Naskiĝo | 28-an de januaro 1921 en Ann Arbor |
| Morto | 17-an de julio 1999 (78-jaraĝa) en Tucson |
| Ŝtataneco | Usono |
| Alma mater | Universitato Harvard |
| Okupo | |
| Okupo | astronomo |
La asteroido 3225 Hoag malkovrita fare de Carolyn kaj Eugene M. Shoemaker ricevis sian nomon laŭ li. Arthur Allen Hoag doktoriĝis en astronomio kadre de la universitato Harvard en 1953. Ekde la jaro 1977 li estis la direktoro de la observatorio Lowell Observatory en la urbo Flagstaff de Arizono. Inter fakuloj aparte notiĝis lia laboro pri fotoelektra kaj fotarta fotometrio. Krome li ankaŭ evoluigis astronomiajn instumentojn, kaj esploris pri "kvazaŭstelaj fontoj" respektive kvazaroj.