Bükkszék

Bükkszék [buksEk] estas malgranda vilaĝo kaj feriejo en Hungario, en regiono Norda Hungario, en departemento Heves, en Distrikto Pétervására.

Panoramo al Bükkszék

Bazaj informoj

• Areo: 15  km²
• Loĝantaro: 870
• Poŝtkodo: 3335
• Telefonprefikso: 36

Sankta Anna

Kuracbanejo de Bükkszék

Situo

Bükkszék situas en valo de rojo, laŭ traira flankovojo. Bélapátfalva troviĝas 18, Eger 22 km-ojn.

Historio

La unua mencio devenis el 1275 en formo Szeck. La turkoj dufoje faris senhoma la vilaĝon. Bükkszék gravas pro la kuracakvo malkovrita en 1938. Tiu akvo estas elstara por digestaj, spirvojaj kaj movorganaj malsanoj. La kuracakvo estas elgajnita el profundo de 540 m kaj havas tiam la temperaturon de ĉ. 40 °C. Oni enboteligas loke la mineralakvon kaj vendas dislande laŭ la nomo Salvus. Oni povas eĉ sin bani en la kuracakvo - de majo ĝis aŭgusto. Vilaĝservoj estas lernejo, infanĝardeno, poŝto, kuracejo, etbanko.

Vidindaĵoj

• Preĝejo Sankta Spirito (Bükkszék) el la 13-a jarcento?, plurfoje trakonstruita
• kuracbanejo

Eksteraj ligiloj

• Bükkszék
• La oficiala paĝo de Bükkszék
• Bükkszék - Foto Arkivigite je 2011-07-21 per la retarkivo Wayback Machine