Bardia
Bardia (arabe البردية, latinliterigo laŭ DMG al-Bardīya, foje ankaŭ al-Bardī) estas marhavena urbeto de 3 686 loĝantoj (kalkulo de 2010) en la nordoriento de Libio, lime al Egiptio. Ĝi apartenas al la distrikto Al Butnan. La urbo situas borde de la Mediteranea Maro kaj apartenas al la historia regionego Cirenio.
| Bardia | |
| urbo | |
| Oficiala nomo: arabe البردية | |
| Ŝtato |  Libio
|
|---|---|
| Distrikto | Al Butnan |
| Situo | |
| - koordinatoj | 31° 45′ N 25° 05′ O / 31.750 °N, 25.083 °O (mapo) |
| Loĝantaro | 3 686 (2010) |
| Horzono | UTC+2 |
  Situo de Bardia en Libio
| |
 Vikimedia Komunejo: Bardia
| |
Historio
redaktiEn ambaŭ mondmilitoj la urbeto havis strategian signifon. En la Unua Mondmilito ĉi tie plurfoje albordiĝis submarŝipoj de la Germana Regno, por subteni lokajn ribelantojn kontraŭ la britaj kaj italaj koloniaj potencoj. En la Dua Mondmilito, ĉi tie interbatalis armeoj de Faŝisma Italio kaj de Britio. Dum la milito la armea kontrolo de la urbo plurfoje ŝanĝiĝis, ĝis en 1942 la britoj definitive konkeris ĝin.
