Höchstetten

Höchstetten estis ĝis la 31-a de decembro 2009 komunumo de la distrikto Burgdorf kaj ekde la 1-a de januaro 2010 komunumo de la administra distrikto Emme-Valo en Kantono Berno, Svislando. Ĝi havis 255 loĝantojn je la 31-a de decembro 2010.

Höchstetten
Blazono de Höchstetten
Blazono de Höchstetten
Höchstetten
Höchstetten
komunumo en Svislando
Kantono	Berno
Administra distrikto	Emme-Valo
Malnova distrikto ĝis 2009	Burgdorf
Geografia situo	CH1903: 614642 / 221453 (mapo)47.1438888888897.6316666666667
Nombro de loĝantoj	255
Areo	2,64 km²
Alteco	480 m super marnivelo
Poŝtkodo	3429
Komunumkodo	0410
Mapo de Höchstetten
Mapo de Höchstetten

Geografio

Höchstetten situas en la Svisa Mezlando meze inter Herzogenbuchsee kaj Burgdorf ĉe la orienta marĝeno de la flotebenaĵo de la rivero Emme. Tra la komunumo fluas la rojo Chrümmelbach, kiu alfluas al Oesch. La komunumo konsistas el la vilaĝo Höchstetten kaj la setlejoj Breiti en nordo, Bergfeld sude de la kantona ĉefvojo kaj Holdermatt en oriento, kaj kelkaj izolitaj bienoj. La komunumoj Alchenstorf, Hellsau, Höchstetten, Koppigen kaj Willadingen formas la komunumasocion Koppigen.

La teritorio de la komunumo etendiĝas sur areo de 2,64 km², de kiuj 19,7% estas kovritaj de arbaro, 70,8% servas por agrikulturo kaj 8,7% por setlado.

Najbaraj komunumoj

La komunumo Höchstetten limas en nordo al Heinrichswil-Winistorf (SO), en oriento al Hellsau, en sudo al Alchenstorf, en sudokcidento al Koppigen, kaj en okcidento al Willadingen.

Trafiko

Tra la komunumo Höchstetten pasas la kantona ĉefvojo n-ro 1 de Zuriko al Berno. La vilaĝo situas norde de la ĉefvojo, tra ĝi pasas la vojo n-ro 1456 al Willadingen kaj de ĝi deflankiĝas la vojo al Heinrichswil-Winistorf. La plej proksima alveturejo al la svisa aŭtovojo A1 situas 6 kilometrojn norde en Kriegstetten

Historio

La unua dokumenta mencio de Höchstetten datiĝas el la jaro 1360 kiel Hönstetten. Ĝis la Helveta Revolucio Höchstetten apartenis al la tribunala distrikto Koppigen, kies historian sorton ĝi dividis. Dum la tempo de la Helveta Respubliko de 1798 ĝis 1803 Höchstetten apartenis al la distrikto Wangen. Ek de 1803 ĝi estis komunumo de la distrikto Burgdorf, kiu en la jaro 2010 estis plejparte integrita al la administra distrikto Emme-Valo. Ek de 1820 la komunumo kune kun la najbara komunumo Hellsau funkciigas la bazan lernejon Moos.

Eksteraj ligiloj

• Oficiala retejo de la komunumo Höchstetten
• Höchstetten en la Historia Leksikono de Svislando  (germane, france, itale)

•  Vidu ankaŭ en la Vikimedia Komunejo la kategorion Höchstetten – (Kolekto de bildoj kaj plurmediaj dosieroj)

Bildoj

• 
  Industria kvartalo ĉe la kantona ĉefvojo n-ro 1
• 
  Ligna grejnejo en Höchstetten
• 
  Vilaĝeniro ĉe la kantona ĉefvojo n-ro 1, alvenante de Hellsau
• 
  Malnovastila berna loĝodomo