Blankabrova buteo
La Blankabrova buteo (Leucopternis kuhli) estas specio de rabobirdo de la familio de Akcipitredoj. Formas superspecion kun la L. melanops, kun kiu ĝi estis konsiderata samspecia, sed ambaŭ povus esti simpatriaj en malsupra Rivero Tapajós, Brazilo, (tiele la valideco de la specimenoj de melanops el Tapajós estis pridisputata). Monotipa specio.
 | ||||||||||||||
|---|---|---|---|---|---|---|---|---|---|---|---|---|---|---|
.jpg) Blankabrova buteo
| ||||||||||||||
| Biologia klasado | ||||||||||||||
| ||||||||||||||
| Leucopternis kuhli (Bonaparte, 1850) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Aspekto
redaktiTiu specio estas ĝis 40 cm longa, supraj partoj estas bluecnigraj, kapo kaj kolo estas blanke striecaj kun nigra masko, dum la subaj partoj estas blankaj, la vosto estas nigra kun fajna blanka bendo. La kruroj kaj vaksaĵoj estas ruĝoranĝaj, dum la beko kaj ungoj estas nigrecaj.
Distribuado
redaktiĜi troviĝas en norda Sudameriko nome en la sudo de la Amazona Baseno aŭ la samnoma brazila subŝtato (el Rivero Madeira orienten al orienta Pará); krome eble ankaŭ en orienta Peruo (centra Loreto suden al Madre de Dios), norda Bolivio (Pando), kaj norda Brazilo. Ties natura habitato estas tropikaj humidaj arbaroj de malaltaj teroj.
La teritorio de la Blankabrova buteo etendas el la Perua Amazonio al nordorienta brazila Pará tra 3000 km inklude marbordaj regionojn; nome ĝi estas limigita de la Rivero Amazono norde. La plej grandaj teritorioj de tiu birdo estas du areoj: sudokcidente en Amazonia orienta Peruo, kaj en suda-centra Amazona Baseno al kombina humida regiono de la riveroj Guaporé kaj Tapajós. En Bolivio, en la limo Brazila-Bolivia ĉe la rivero Guaporé, la teritorio duiĝas kaj troviĝas nur ĉe la fluejo de Guaporé, kaj en norda regiono Bolivia-Perua kie la Guaporé kuniĝas al la Rivero Madeira.
Referencoj
redakti- BirdLife International 2004. Leucopternis kuhli[rompita ligilo]. 2006 IUCN Ruĝa Listo de Minacataj Specioj. Konsultita la 24an de julio 2007.
Eksteraj ligiloj
redakti- Artikolo Arkivigite je 2010-01-16 per la retarkivo Wayback Machine en la retejo tropicalbirding
