Burg (Spreewald)

	Burg
Burg (Spreewald) (Germanio)
kuracloko • neurba komunumo de Germanio
Administrado
Federacia lando	Brandenburgio
Distrikto	Distrikto Spree-Neiße
Komunumaro	Amt Burg (Spreewald)
Urborajtoj	–
Telefona antaŭkodo	035603
Poŝtkodo	03096
Aŭtomobila kodo	SPN
Oficiala Municipokodo	12071032
Politiko
Komunumestro	Martin Schmidt
Partio de komunumestro	PDS
Adreso de la administrejo	Hauptstraße 46; 03096 Burg (Spreewald)
Demografio
Loĝantaro	4246 (stato 2022-12-31) [fonto: landa statistika oficejo]
Geografio
Geografia situo	51° 50′ N, 14° 9′ O (mapo)51.83305555555614.15Koordinatoj: 51° 50′ N, 14° 9′ O (mapo)
Alto super la marnivelo	53 - 57 m
Areo	35,16 km²
Oficiala retejo	https://amt-burg-spreewald.de/de/amt-gemeinden/gemeinden/burg-spreewald-borkowy-blota.html
	v • d • r

Burg (malsuprasorabe Bórkowy) estas komunumo en Germanio, situanta meze de la Spree-arbaro (germane Spreewald). Ĝi apartenas al la distrikto Spree-Neiße de la federacia lando Brandenburgio. Fine de decembro 2022 la komunumo havis 4246 loĝantojn.

La loĝloko estas la administra centro de samnoma komunumaro, do administra grupiĝo de pluraj najbaraj komunumoj por komuna plenumo de iuj civitanaj servoj, germane nomata Amt Burg.

Etimologio

En la malsuprasoraba lingvo, vaste parolata minoritata lingvo en la regiono, la komunumo nomiĝas Bórkowy. Tiu nomo devenas de la malnovsoraba vorto por konifera arbaro (bork). Laŭ alia teorio la nomo Burg havas germanan etimologion kaj rilatas al burgo konstruigita en tiu loko de Boleslao la Brava.

Historio

Unua skriba mencio de la vilaĝo venas de la jaro 1315. Multe pli malnova setlejo sur la tereno de la komunumo estas Hrodowa Hora, kiu ekestis iam dum la 8-a aŭ la 9-a jarcento, jam tiam enloĝata ankaŭ de la soraboj.

Administra divido

La plej malnova parto de la komunumo estas Burg-Dorf (sorabe Borkowy-wjeska). Dum la unua duono de la 18-a jarcento konstruiĝis la kvartalo Burg-Kauper (Borkowy-kupa) kaj meze de la 18-a jarcento aldoniĝis Burg-Kolonie (Borkowy-kolonija).