Malfermi la ĉefan menuon

Malsuprasoraba lingvo

La malsuprasoraba lingvo (malsuprasorabe dolnoserbšćina, germ. Niedersorbisch, pol. dolnołużycki, ĉeĥ. dolní lužická srbština) estas okcidentslava lingvo, kiu estas parolata en Malsupra Luzacio, en la ĉirkaŭaĵo de la urbo Chóśebuz (germane Cottbus).

Malsuprasoraba
Dolnoserbšćina
Parolata en Germanio
Regiono Malsupra Luzacio
Parolantoj 14 000
Skribo Latina alfabeto
Lingvistika klasifiko
Hindeŭropa lingvaro
Slava lingvaro
Okcidentslavaj lingvoj
Soraba lingvaro
Malsuprasoraba
Oficiala statuso
Oficiala lingvo en Malsupra Luzacio (Brandenburgio/Germanio)
Lingvaj kodoj
Lingvaj kodoj
  ISO 639-2 dsb
  ISO 639-3 dsb
  SIL dsb
  Glottolog lowe1385
Angla nomo Lower Sorbian
Franca nomo bas-sorabe
Vikipedio
Information icon.svg
vdr
Dulingva germana-malsuprasoraba ŝildo en Cottbus.

FonetikoRedakti

La malsuprasoraba lingvo distingiĝas per kelkaj specifaj sonaj evoluoj kaj apartaĵoj, per kiuj ĝi diferencas de aliaj okcidentslavaj lingvoj.

VokalojRedakti

  • *ę > ě (sub akcento, ekz.: měso, rěd, pěś) resp. 'e (ekster akcento, ekz. śele)
  • 'e > 'a (wjas, njamaš)
  • *tṛt > t'art (kjarcma, gjarnc)
  • o (post labialoj kaj velaroj, kiuj ne staras antaŭ labialoj resp. velaroj, ĉiam sub akcento, kelkfoje ankaŭ ekster akcento) > ó (en dialektoj malsame prononcata kiel e, yó, ekz. *gora > góra [gera, gyra, góra].

KonsonantojRedakti

  • *ť, *ď > ś, ź (śerpjeś, źěd)
  • konservita *''g'' (ekz. góra, glědaś, guska)
  • konservita palatala ŕ (parte ankaŭ kiel fina sono, ekz. buŕ, ceptaŕ)
  • malmoliĝo de *''š'', *''ž'' (ekz. šyroki, žyto)
  • ŝanĝiĝo č > c ("mazurado" (sorabe mazurěrowanje), ekz. cas, cesto, cytaś)
  • *kŕ, *pŕ, *tŕ > kś, pś, tś (kśikaś se, pśěza, tśi)
  • *kr, *pr, *tr > kš, pš, tš (kšej, pšawy, tšawa)
  • simpligo de la grupo *str > (sotša, wótšy)
  • konservo de la grupo *stŕ kiel stś (stśělaś, stśigaś)


Malsuprasoraba alfabetoRedakti

Malsuprasoraba alfabeto
a b c č ć d e ě f g h ch i j k ł l m n ń o p r ŕ s š ś t u w y z ž ź
A B C Č - D E - F G H Ch I J K Ł L M N - O P R - S Š Ś T U W Y Z Ž Ź

Lingvaj monumentojRedakti

La plej malnova granda lingva monumento de la malsuprasoraba lingvo estas manskriba traduko de la Nova Testamento fare de Mikławš Jakubica el la jaro 1548. La unua presita malsuprasoraba libro estas malsuprasorabaj kantaro kaj kateĥismo de Albin Moller el la jaro 1574. Pliaj gravaj lingvaj monumentoj estas "Enchirideon Vandalicum" de Handrij Tara (1610) kaj manskriba gramatiko de Jan Chojnan (1650).

Eksteraj ligilojRedakti

VortarojRedakti

Aliaj ligilojRedakti

FontojRedakti

Muka, E., Historische Laut- und Formenlehre, Lipsk, 1891.
Serbski rěčny atlas, zwjazki 1–15. (laŭ la suprasoraba vikipedio)