Calancasca

Calancasca estas rivero en Kantono Tiĉino. Ĝi havas longecon de 31 km.

Calancasca
Calancsca apud Cauco
rivero
Bazaj informoj
Longeco	31 km
Akvokolekta areo	121 km²
Averaĝa trafluo	4,79 m³/s
Fluo
- Alteco super marnivelo	3 100 m
Enfluejo	Moësa
- Alteco	330 m
Geografio
Alfluantoj	Passit
Rivero en Eŭropo

Fonto

La rivero Calancasca fontas en nordo de la komunumo Rossa ĉe la koordinatoj 46° 28′ 35″ N 9° 6′ 35″ O (mapo) de firnkampo sur alteco de 3100 m s.m. sude de la monto Zapporthorn, kies kulmino havas altecon de 3152 m s.m.

Fluvojo

La rivero fluas de la fonto suden tra la Valo de Calanca. Dum la unuaj kvar kilometroj ĝis la alpopaŝtejo de Alögna la rivero trapasas altecdiferencon de 1500 metroj. Sur la alpopaŝtejo de Alögna alfluas al ĝi de oriento ĝia ĉefa alfluanto, la rivero de Passit, kiu senakvigas la Valon de Passit kaj fontas en samnoma lageto sur alteco de 2082 m s.m. La rivero pasas nun tra la vilaĝoj Valbella, Salüdin kaj Rossa, sekvas Augio, Santa Domenica, Cauco, Bodio, Selma, Arvigo, Molina (komunumo Buseno), kaj fine Grono.

Akvoenergio

Apud Molina la rivero estas retenita en la malgranda baraĵalageto Lago de Molina. La akvo de la lago nutras en Roveredo la elektrocentralon de la entrepreno Calancasca AG, filio de la svisa energikoncero Axpo. La averaĝa elektroproduktado estas 87 milionoj kWh

Alfluejo

Sur alteco de 330 m s.m. en okcidento de Roveredo Calancasca alfluas al Moësa.

Ciferoj

La rivero havas longecon de la fonto ĝis al alfluejo de 31 km. Ĝia altecodiferenco estas 2770 m, ĝia baseno, kiu kongruas kun la komunumaro de Calanca, havas areon de 121 km². 1,1% de la basena teritorio estas kovritaj de glaĉeroj aŭ firnoj. La averaĝa akvolulo mezurita en la jaro 2010 en la stacio de Buseno estis 4,79 m³/sek.

Vidu ankaŭ

• Komunumaro Calanca

Eksteraj ligiloj

•  Vidu ankaŭ en la Vikimedia Komunejo la kategorion Calancasca – (Kolekto de bildoj kaj plurmediaj dosieroj)

• Priskribo de la rivereto Calancasca por vaterveturadoj (germanlingve) en Waterweb