Diskuto:Amri Wandel

Tiu artikolo devus esti konformigita laŭ vikipediaj reguloj. Eksterajligoj je la fino (ne ene de la teksto), subtitoloj, la bildo devus esti enŝutita, ... Arno Lagrange 16:57, 9. Dec 2003 (UTC)

Movada agado de Amri Wandel

Estis ankaŭ artikolon pri Movada agado de Amri Wandel vidu sube, eble inrfomoj estas kunigindaj.

" Movada biografio: Profesoro pri astrofiziko en la Universitato de Jerusalemo. Membro de la Akademio de Esperanto ekde 1992, estrarano de UEA (1995-98, 2004-), komisiito pri Rondo Familia de UEA ekde 1998, profesoro de AIS (membro de 1983). Lernis Esperanton en 1973, dumviva membro de UEA. Partoprenis preskau ĉiujn UKjn ekde 1974. Komitatano de UEA ekde 1985 (1998-2007 komitatano B). Prezidanto (1981-83) kaj honora prezidanto de TEJO, Prezidanto de Esperanto-Ligo en Israelo (1989-95), prezidanto de la LKK de la Universala Kongreso en Tel-Avivo (2000).

Verkoj en Esperanto: 3 libroj, 10 IKU-prelegoj, 4 IKU-libroj (red.), multaj profesiaj kaj movadaj artikoloj. Kunlaboranto de la Nova PIV.

Movada agado kaj celoj:

En la Estraro de 2004-2007 li respondecis pri Faka kaj Scienca agado kaj pri Rondo Familia. Antaŭ ol elektiĝi al la estraro de 2010-2013, li promesis daurigi la ĉi-subajn projektojn, sed aktivi ankaŭ en la fakoj de Eksteraj Rilatoj (kontaktoj kun Unesko kaj Ne-Registaraj Organizaĵoj) kaj Regiona Agado.

Ĉefaj antaŭaj kaj nunaj projektoj

1. Scienca Agado

• Iniciato kaj prizorgado de la AIS-IKU kursoj dum la UK,
• Iniciato, redaktado kaj popularigo de la IKU-libro,
• Kreado de IKU-retpaĝaro
• Kontaktoj kun internaciaj organizaĵoj (Unesko, IAU k.a. NROj)

2. Faka Agado

• Iniciato kaj prizorgado de servoj por Fakaj Asocioj dum la UK
• Faka Forumo kaj Faka Budo
• Iniciato kaj gvidado de la retlisto Scienca kaj Faka Agado

3. Familaia agado kaj bulteno

• Prizorgado de Rondo Familia (RF) de UEA
• Profesi-nivela bulteno Familia Esperanto (FE)
• Fortigo de la financa stato RF kaj FE
• Kreado de nova retejo por RF, FE kaj IIK
• Reta versio de FE

Detala priskribo

Faka agado Iniciatis, evoluigis kaj organizas la Fakan Forumon kaj Fakan Budon dum la UK. Tiuj aranĝoj fariĝis popularaj eroj, en kiuj reprezentantoj de Fakaj Asocioj kaj kongresanoj renkontiĝas, informiĝas kaj diskutas servojn kaj fakan agadon.

Kunlabore kun la Centra Oficejo de UEA starigis kaj gvidas la retliston Scienca kaj Faka Agado kiun abonas la Fakaj Asocioj kaj multaj individuoj. La adresaro de tiu listo estas regule prizorgata kaj ligita kun la datumbazo de la CO kaj de la Jarlibro.

En sinprezento antaŭ elektiĝo al la estraro de 2010-2013, li promesis estonte

• plivastigi la servojn por la Fakaj Asocioj, kiel invitado de lokaj fakaj aktivuloj ne-esperantistoj dum la Universala Kongreso,

• instigi regulan kontakton de Fakaj Asocioj kun UEA kaj inter si, per diskutoj kaj kampanjoj en la retlisto, en la Faka Forumo dum la UK, kaj per individuaj kontaktoj kun aktivuloj de specifaj Fakaj Asocioj, kaj

• iniciati kaj instigi fakajn projektojn, kiel ekz. esperanta versio de Reskribo de la Biblio lanĉita en 2007 kunlabore kun religio-rilataj Fakaj Asocioj kiel ASISTI, IKUE, KELI kaj Oomoto.

Interreta Faka Agado: Gravas al li krei retejojn por Fakaj Asocioj kaj plivastigi la retan aktivecon de UEA kaj de Fakaj Asocioj, i.a. kadre de Vikipedio.

Scienca agado Amri Wandel plifortigis la kunlaboron inter UEA kaj AIS kaj ISAE. Dum la UK en 2006 gvidis la Strategian Forumon kunlabore kun tiuj du asocioj.

Li multe aktivis por evoluigo kaj diskonigo de la Internacia Kongresa Universitato (IKU). Redaktis la IKU-librojn de 2005, 2006 kaj 2007, kaj kreis la IKU paĝaron ĉe UEA (vidu ĉi-sube), kie troviĝas i.a. la antauaj IKU-libroj, artikoloj pri IKU kaj Scienca Agado per Esperanto kaj la programo kaj resumoj de la venonta IKU. Verkis novan kontrakton inter AIS kaj UEA por la okazigo de la komunaj AIS-IKU sesioj dum la UK, kaj modifis la IKU-regularon por reguligi la redaktadon kaj eldonon de la IKU-libroj.

Estonte aldoni al la IKU-retejo fremdlingvajn paĝojn (angla kaj franca) por utiligi la IKU en eksteraj rilatoj. Revizii la elekto-manieron de la IKU-prelegoj. Resumo de ideoj kaj planoj pri scienca agado aperas en lia artikolo Science-Malferme en la Revuo Esperanto (aprilo 2006) kaj en la IKU-retejo. Plivasigita versio aperis en marto 2007 en La Lanterno Azia.

Eksteraj rilatoj En 2010, li anoncis daŭrigi la agadon ĉe internaciaj fakaj kaj sciencaj organizoj kaj forumoj kiel UNESKO kaj NROj. Evoluigi la kontaktojn inter UEA kaj pluraj NROj, precipe Internacia Asocio de Universitatoj (IAU), unu el la plej grandaj NROj en kiu membras 600 universitatoj tutmonde, kiujn li iniciatis kaj plu flegis dum la lastaj jaroj, i.a. dum vizitoj ĉe Unesko kaj IAU en Parizo (raporto en Revuo Esperanto, junio 2006). Informi kaj aktivi por internacia rekono de Esperanto en internaciaj fakaj kaj sciencaj rondoj.

Infanoj, junuloj kaj familioj Li gvidas la komisionon de Rondo Familia, lanĉis la novan profesi-nivelan bultenon Familia Esperanto(dauriganto de la antaua Cirkulaĵo) kaj sanigis ĝiajn financojn. En 2006 kreis novajn retejojn por Rondo Familia kaj Internacia Infana Kongreseto (vidu ĉi-sube), varbis novan redaktoron por Familia Esperanto kaj reaperigis la bultenon en nova reta formo. Regule gvidas kunvenojn de Rondo Familia dum la UK. Resumo de lia agado por Rondo Familia aperas en la artikolo La novaj vizaĝoj de Rondo Familia en la Revuo Esperanto (Malferme, aprilo 2007) kaj en la retejo de Rondo Familia.

Regiona Agado En la pasinteco li iniciatis regionajn projektojn tutmonde: kiel vicprezidanto de TEJO iniciatis la Komunan Seminarion (Koreio-Japanio-Ĉinio; vidu ĉi-sube) kiu en 2007 havas sian 25an renkontiĝon. Dum la UK en Tel Avivo (2000) organizis la seminarion "Araboj en Israelo" en la vilaĝo Pac-Oazo kaj klopodis por inviti Jordaniajn Esperatistojn al la UK. Nuntempe partoprenas en la planado de regiona Esperanto-konferenco en la Mezoriento.

En 2010, li promesis estonte apliki tiun strategion por krei kontaktojn inter fortaj kaj aktivaj Landaj Asocioj kaj malpli fortaj grupetoj en najbaraj landoj.

Vidu ankaŭ

• Historio de la Esperanto-movado en Israelo (Wandel)

Eksteraj ligiloj

• Paĝaro pri Internacia Kongresa Universitato
• Paĝaro pri Rondo Familia, Familia Esperanto kaj IIK
• retejo de la UK 2000 en Tel-Avivo
• Historio de la Komuna Seminario

"--pino (diskuto) 14:12, 8 Jul. 2014 (UTC)

Mi kontraŭas la kunigon dum la supre menciita informo ne estos pruvita per fidindaj fontoj: ĝi povas esti mensogo, celanta reklami la personon. Evidenta reklamo estas ankaŭ en la termino "movada agado": se li okupas postenojn en esperantistaj organizaĵoj, estas dubinde, ke li tiel subtenas la "Esperanto-movadon" (komprenata laŭ programo de L.Zamenhof). --Dima41 (diskuto) 21:09, 8 Jul. 2014 (UTC)

Mi samopinias kun Dima ke la supra tekstobloko en tiu formo, dum ĝi enhavas promesojn kaj planojn, ne nur pruvitajn kaj pruveblajn faktojn, pli bone videblu en formo de ekstera ligilo kiel

• artikolo "Amri Wandel volas aktivigi landajn asociojn kaj varbi membrojn en la reto" de marto 2010 en la retejo libera folio.

Tio tute ne tuŝas la (miaopinie mislokan) polemikon de Dima dubi aŭ ne dubi, ĉu okupo de postenoj en esperantistaj organizaĵoj subtenas aŭ malsubtenas la Esperanto-movadon, sed nur la ideon ke enciklopedio informu laŭeble pri faktoj, laŭeble malmulte pri aŭguroj, promesoj, planoj, intencoj ktp., kiuj eble realigeblos aŭ eble ne... En iuj lokoj planoj tamen ja havas enciklopedian gravecon, sed se eblas ilin prezenti en ekstera ligilo, despli bone kaj preferinde tiel. ThomasPusch (diskuto) 10:56, 19 Jul. 2014 (UTC)

Aldonaj artikoletoj

Mi al la temo aldonis novajn artikoletojn Universitato de Esperanto, Internacia Vintra Universitato kaj David Galadí-Enríquez. Ilin mi klasigis artikolaj ĝermoj: Facilus kaj bonvenus plia ampleksigo, kaj aldono de libere licencigitaj ilustraĵoj. ThomasPusch (diskuto) 10:53, 19 Jul. 2014 (UTC)

Reskribado

Mi unuigis la version en la angla VP kun la fontoj en la hebra VP kaj ankaŭ multe ampleksigis kaj rearanĝis la tutan enhavon.

Mi nur parte forigis ĉi tiun listegon de prelegoj: speciala:daŭra ligilo/8615575#Prelegoj, precipe la erojn sen referencoj. Amike, —Super • nabla^🪰 21:32, 15 apr. 2024 (UTC)

Mi ankaŭ forigis parton de la troaj eksteraj ligiloj. —Super • nabla^🪰 21:35, 15 apr. 2024 (UTC)