Malfermi la ĉefan menuon

Distrikto Paderborn

Blazono Mapo
blazono mapo
bazaj informoj
federacia lando: Nordrejn-Vestfalio
distriktaro: Detmoldo
administra sidejo: Paderborno
areo: 1245 km²
loĝantoj: 305 362 (fine de decembro 2017)
aŭtokodo: PB (Paderborn)

La distrikto Paderborn situas en la oriento de la germana federacia lando Nordrejn-Vestfalio. Ĝia administra sidejo estas la universitata urbo Paderborno. La urbo ankaŭ estas centro de la regiono "Sudo de Orienta Vestfalio" (germane Südliches Ostwestfalen), kiu konsistas el la nunaj distriktoj Paderborno kaj Höxter plus la teritorioj de la eksaj distriktoj Lippstadt kaj Brilon, kiuj nun estas parto de la distriktoj Soest respektive Hochsauerland.

Ene de Nordrejn-Vestfalio, al la distrikto Paderborno najbaras la distriktoj Gütersloh kaj Lippe norde, Höxter oriente, Hochsauerland sude kaj Soest okcidente.

Historie la nuna distrikto identas kun la antaŭa "distrikto Unterwalden" de la eksa princepiskopejo Paderborno, dum la najbara distrikto Höxter historie estis la antaŭa "distrikto Oberwalden" de la eksa princepiskopejo.

mapo de la urboj kaj pliaj komunumoj de la distrikto Paderborno

Administra dividoRedakti

La distrikto konsistas el 10 komunumoj, el kiuj 7 estas urboj. En la sekva listo inter krampoj aldoniĝas la respektiva nombroj de loĝantoj laŭ stato fine de decembro 2017.

Urboj
  1. Bad Lippspringe (15 957)
  2. Bad Wünnenberg (12 223)
  3. Büren (21 513)
  4. Delbrück (31 943)
  5. Lichtenau (10 577)
  6. Paderborn (149 075)
  7. Salzkotten (25 159)
Neurbaj komunumoj
  1. Altenbeken (9 192)
  2. Borchen (13 465)
  3. Hövelhof (16 258)

Partneraj rilatojRedakti

  La distrikto havas partnerajn rilatojn kun la urbodistrikto Tempelhof-Schöneberg de Berlino.

Eksteraj ligilojRedakti