Doŭro
La Doŭro estas rivero trairanta Hispanujon kaj Portugalujon, fluanta al Atlantiko.
| Doŭro | |
|---|---|
 | |
| rivero • gold river • almara rivero | |
| Bazaj informoj | |
| Longeco | 895 km |
| Akvokolekta areo | 98 160 km² |
| Averaĝa trafluo | 675 m³/s |
| Fluo | |
| - Alteco super marnivelo | 2 200 m |
| Enfluejo | Atlantiko |
| - Alteco | 0 m |
| Geografio | |
| Alfluantoj | Hispanio kaj Portugalio |
 | |
Hispana nomo: Duero [pr. dŭero]; portugala: Douro [pr. doru] (el la latina Durius).
Ĉi tiun nomon uzas diversaj membroj de la Ibera Skolo.
Ĝi naskiĝas en la hispana montaro Picos de Urbión, je alteco de ĉirkaŭ 2.200 m, proksime al Duruelo de la Sierra (en provinco Sorio), kaj enmariĝas en Porto (Portugalujo).
Ĝi longas 895 km. Ĝia baseno, la plej granda de la Ibera Duoninsulo, surfacas 98.160 km².
Alfluantoj
redaktiEsla estas la plej akvenhava alfluanto de la rivero Doŭro, kaj ĝi portas en sia enfluejo ofte pli da akvo ol la ĉefrivero Doŭro mem.[1]
Pisuergo (Pisuerga) estas la dua plej grava enfluanto en la Dueron. Ĝi naskiĝas en la Kantabra Montaro, en la nordo de la provinco de Palencio. Ĝi trafluas tiun ĉi provincon, pasas tra la urbo de Valadolido, kaj enfluas la Dueron kelkajn kilometrojn sube de tiu ĉi urbo.
La rivero Duratón estas rivero ĉe la centro de Hispanio, alfluanto je la maldekstra flanko de la rivero Doŭro, kiu trapasas la provincojn de Madrido, Segovia kaj Valadolido. Ĝi longas 106 km kaj drenas basenon de 1.487 km².
Tormes estas rivero, alfluanto de la Doŭro ĉe ties maldekstra bordo, kiu fluas tra la provincoj Avilo, Salamanko kaj Zamora.
Adaja [aDAĥa] estas la dua plej grava alfluanto al Doŭro el ties maldekstra bordo post Tormes.
Valderaduey [balderaDŬEJ] estas alfluanto dekstre de la rivero Doŭro; ĝi trapasas areojn de la provincoj Leono, Valadolido kaj Zamoro, pli malpli en direkto norde suden.
Referencoj
redakti- ↑ «Red de staciones de aforo». Arkivita el la originalo la 5an de marto 2015. Konsultita la 24-an de Februaro 2022. Confederación Hidrográfica del Duero.